首次在朋友家過夜

27 May 17 玩完親子糉，班小朋友又係歡樂天地既時間。上恩好慷慨咁拎哂冒險樂園既水晶玩具比各小朋友搶。

Claire 好開心咁拎左佢恨左好耐既女仔玩意兒 －水晶熊。

拎完"手信"，又係時候食飯再食飯後果。有Claire 最愛既西瓜。

Isaac: 我都好鐘意食西瓜架！

成班女孩子玩包剪揼，因為，大家爭住話要瞓邊張床，邊個同邊個瞓⋯⋯唯有哥哥企埋一邊，因為佢係一個男孩子，只可以分開房瞓。

一屋咁多小朋友，真係難為上恩媽幫手招呼。

呢班小朋友真係幸福，可以有一個咁HAPPY既童年回憶。

本黎Claire 、彤彤同雅雯私下約好三個一齊瞓大床⋯⋯不過，個個都想瞓大床⋯⋯

最後，妹妹被抽到瞓地下，唯有⋯⋯接受囉。

最後結果⋯⋯兩個最小的小妹妹，變左瞓地下，哈哈。真係人算不如天算。

28 May 17 生寶床可能瞓唔慣，成班女孩子，一早起身，自行收恰。大個女呀！

連床鋪被鋪都自己執。如果係屋企都係咁，就好囉。

好有酒店CHECK OUT FEEL⋯⋯齊齊執恰細軟，準備回家去。

一早起身，咁多個小朋友都要醫肚。體貼的上恩媽一早準備好。

不過有個人話要食炒蛋⋯⋯好在，媽媽平時有教佢⋯⋯

Isaac: 我最叻係炒蛋，因為我好鐘意食雞蛋。

Claire: 我唔鐘意食雞蛋，我鐘意食香口野，好似呢D肉鬆咁。

一瞓醒，又可以成班柴娃娃一齊食早餐。呢D，就係青春。

食完仲要各自清洗，又係個句啦，如果平時都係咁，就好囉。

食完早餐，家長未到，一齊落平台玩陣先⋯⋯

各大家長就係呢個時候到，送佢地每人一支雪條，呢個周末真係開心到不得了。希望兩兄妹長大後，會記得呢D開心時刻啦！

親子包糉

27 May 17 比賽完英文故事，之後又衝衝忙忙執包伏，點解？因為妹妹要出走呀～～～去哥哥同學屋企瞓。點解 Isaac 咁愁既？因為，佢本來話唔黎瞓架，但妹妹一口答應同學邀請，哥哥見有妹妹相伴，又走黎一齊玩過夜。殊不知，佢要一個人瞓喎⋯⋯咪咁樣囉。

上同學屋企，當然有節目，就係齊齊學包糉。

原來包靚個糉形，係有學問架⋯⋯我地個個都好專心聽。

點樣叠兩塊葉，邊個位定形，原來都好大學問。定得唔好，成個糉都唔似三角錐體了。


媽媽就忙於剪好塊葉，方便大家拎黎砌好個形黎包。

Isaac: 等我包大舊D先～～

 辛苦哂上恩媽媽工人姐姐代安排一枱材料。仲提前浸好哂D荷葉。

Claire: 我又想學哥哥咁，包大舊D隻糉呀！

 大家雞手鴨腳⋯⋯呢D就係親子製作美味糉了。

Isaac: 跟住點包埋呢～～～我唔記得左⋯⋯

標準糉形出世了。當然，咁靚既糉唔係我地出品⋯⋯我地三母子女出品的，只係平平的糉呀！實在拿捏唔到重叠位變錐體既準確度。唯有下次再學。

K3 英文故事比賽－－銅奬

27 May 17 經歷毎半月既地獄式背誦訓練，Claire 終於識得背呢篇故事了。老老實實，媽媽三月底收到呢份野時，真係嚇左一跳⋯⋯乜咁鬼長架。哥哥當年英文故事比賽既稿都無咁長，呢次仲要係妹妹參加喎⋯⋯唉～～～～心知不妙。果真，復活節都未開始放，老師已經反映妹妹仲未識背，梗係啦，媽媽都未幫Claire 背。咁長既文，唯有拎埋去旅行，一日背一句。終於係比賽呢日，死掂左。

平時練習都好崩緊，老師成日話佢好緊張，OVERALL都真係三個參賽者裡最勉強的一位，就算平時媽媽幫佢練，佢都只係得呢一次叫做好好笑容架咋（按此）

媽媽帶比賽經驗豐富，一入賽場，一個箭步坐正係台中央，方便Claire 出賽時，眼神扮係"正望前方"其實係望媽媽。所以，旁人會覺得Claire 好淡定架⋯⋯但相比之前既練習，Claire 表現算失色左少少，不過，應該都好過係幼稚園對住老師練習。因為次次老師都話佢無動作架。（按此觀看比賽片段）

完賽後，仲未宣佈結果，先同評判合照。

英文故事組其中一課室。有兩個NATIVE SPEAKER，帶隊老師話，Claire 輸在口音，好唔抵。如果Claire 係有NATIVE SPEAKER既口音，就應該第一名了。

辛苦老師帶三個同學去英文故事比賽，平時放學仲要同佢地練。平時係學校練習，彤彤表現係好好架，媽媽仲諗住佢實拎奬，點知出場反而跌水準，掉返轉係Claire 表現好過平時學校練。真係估呢個衰妹唔到。

終於等宣佈奬，Claire 獲得最佳造型奬。睇佢個樣緊張到呢～～～

Claire: 我終於拎左奬，唔駛再練了。

 對於呢個傻豬豬黎講，最佳造型奬其實已經係奬，Claire 當時都唔知乜黎。只係落左台，不停遠望媽媽⋯⋯我攞左奬啦⋯⋯

點知，又要再上台⋯⋯可能Claire 都唔知乜事呀～～

Claire: 做乜而家先比個杯我既？我第二次上黎囉喎。
校長： 傻豬，你拎左銅奬吖嘛。

就係發音不準，明明精彩過頭兩名，但只能獲銅奬。原來，發音純正，好緊要架。

 成班中普英文故事比賽參賽者，濟濟一堂黎個大合照。

果然，黃色鴨鴨真係好搶鏡呀～難怪得到最佳造型奬。

我地幼稚園既參賽者。年年係呢個比賽，都收獲豐富。

返到屋企，Claire 十分興奮咁衝落街⋯⋯仲要幫媽媽拎環保袋。

因為，佢要大購薯片呀～～～媽媽話，佢呢次比賽表現好，就比佢去士多選零食，愛吃香口食物的小妹妹，即刻拎哂薯片埋單去也。

Claire: 係呀⋯⋯平時無得食吖嘛。

黑白天使

22 May 17 呢日食甜品，有個小妹妹食到塊面黑捽捽。幾咁可愛。

25 May 17 一向手殘既媽媽，呢日早上四圍撲，為左買材料幫Claire 造個白色頭飾當係天鵝頭飾。手殘既媽媽真係已經盡哂力，不過都唔係好靚。但Claire 放學返黎，已經好開心，至少佢肯戴上頭，即係都岩佢審美既眼光啦。咁急去砌呢個白色頭飾，係為左佢黎緊既英文故事比賽既造型呀！加油呀，妹妹。

芭蕾舞比賽終於完結

21 May 17 呢日係妹妹幼稚園芭蕾舞比賽。又係要家長自行化粧先返學校集合。貪靚的妹妹，只係化左一邊，就急不及待拿了媽媽的電話自拍，睇佢幾咁滿意，幾咁開心！果真係貪靚喔！

靚靚的Claire，準備好哂，扮到靚一靚，等緊出發去比賽。

點知撞正雨天，地面濕滑，難為佢地成班照踩地板⋯⋯返到屋企，Claire 話比媽媽知，佢地成班人對鞋，係濕到入邊既。真係陰公呀，UP住對腳去比賽⋯⋯

辛苦完學校比賽，終於可以抖下氣了。餘下只有英文故事比賽同畢業禮姐。終於唔駛成日留係學校加操⋯⋯夜晚，係屋企附近揾左間裝修到好靚既聚福樓食飯⋯⋯點左份應該好香口既蕃薯條。

點知⋯⋯味道有點怪⋯⋯自此之後，Claire 就話西餐係好難食，問佢點解，佢就好激氣咁話，上次食個薯條好難食呀，係蕃薯條黎既⋯⋯唔好食。這個小妹妹真係好好笑。

芝士漢堡，價錢唔平，但真係⋯⋯可能要配合下佢個高級CROSSOVER既裝修掛⋯⋯⋯ANYWAY，下次唔會黎囉。