首次參加田徑跑步比賽

20 May 17 K3 時候的 Isaac 已經話好鐘意跑步，當時仲話入到小學要入田徑隊玩跑步。二年級下學期，收到老師紙條話比佢入田徑訓練班，當時 Isaac 不知幾咁開心。訓練左幾個月，終於有得出賽了⋯⋯原來係全屯門既田徑比賽。準備出場的 Isaac，似乎好緊張咁。

READY，SET⋯⋯

首次比賽跑60米同100米，媽媽之前已經講，有難度，因為距程太短，起跑稍為遲，已經好難追⋯⋯不過，事實係，原來 Isaac 好快比人追到。按此觀看60米比賽及100米比賽。

對手好強勁，Isaac 當然無奬拎。不過臨場經驗好寶貴，亦都比佢知道，原來天外有天，有好多同齡小朋友跑步比佢更快。

Isaac: 但我都係鐘意跑步，我想入田徑。

其實以 Isaac 身高，佢真係好岩跑步既，睇佢高同級一截⋯⋯不過相對田徑隊隊員，Isac 真係好有肉。見場上飛人般的健兒，全部都係骨型。可能 Isaac 瘦返D，會跑得快D掛。

點都好啦，跑完去食返餐好既。仲有愛佢既妹妹陪佢，乜都開心返哂啦。