妹妹買的母親節禮物

10 May 17 做哂功課，媽媽要煮飯，唔得閒理呢位小妹妹，忽然發現呢位小妹妹好專心咁係度左手同右手捉棋。忽然感覺好生性。

15 May 17 爸爸出差去。妹妹只好晨早起身，陪媽媽送哥哥上學去。呢對背影，真係叫媽媽寲懷安慰。感覺他們好融洽喔！

17 May 17 晚上，媽媽係手機裡發現呢張相⋯⋯

 究竟係邊個影既呢～～～有時真係唔知Claire 係貪靚吖，定係男仔頭。明明見佢都好貪靚，但出街又好少肯穿到女孩子的樣子。所以，媽媽見到呢張相，都唔捨得刪除，因為，實在太可愛了。

咁可愛，順便配一朵花襯托下。係Claire 幼稚園一人一花盛開的。可惜花期短，日間開花了，晚上再看，已經凋謝了。

19 May 17 有個妹妹仔賣口乖，話要送母親節禮物比媽咪。死都要拎哂自己錢箱既零用錢落街買野食比媽咪。說穿了，其實係佢本人想用下錢姐。揹住袋身家諗緊買乜好，慳家的哥哥不停係側邊話好貴呀⋯⋯又唔捨得買，逐樣睇⋯⋯逐樣唔捨得。呢兩兄妹，用錢方法，完全係兩個極端。

Claire: 仲有乜野可以買呢⋯⋯
Isaac: 你再買就唔夠錢啦！

Claire: 點會呀！我大把錢呀⋯⋯等我摷下先⋯⋯

最後，孝順妹買了一盒媽媽愛吃的綠茶味道餅乾。有時，呢個小妹妹，真係好識氹人歡心。難怪婆婆一見佢就話要錫啖佢啦！