首次在朋友家過夜

27 May 17 玩完親子糉，班小朋友又係歡樂天地既時間。上恩好慷慨咁拎哂冒險樂園既水晶玩具比各小朋友搶。

Claire 好開心咁拎左佢恨左好耐既女仔玩意兒 －水晶熊。

拎完"手信"，又係時候食飯再食飯後果。有Claire 最愛既西瓜。

Isaac: 我都好鐘意食西瓜架！

成班女孩子玩包剪揼，因為，大家爭住話要瞓邊張床，邊個同邊個瞓⋯⋯唯有哥哥企埋一邊，因為佢係一個男孩子，只可以分開房瞓。

一屋咁多小朋友，真係難為上恩媽幫手招呼。

呢班小朋友真係幸福，可以有一個咁HAPPY既童年回憶。

本黎Claire 、彤彤同雅雯私下約好三個一齊瞓大床⋯⋯不過，個個都想瞓大床⋯⋯

最後，妹妹被抽到瞓地下，唯有⋯⋯接受囉。

最後結果⋯⋯兩個最小的小妹妹，變左瞓地下，哈哈。真係人算不如天算。

28 May 17 生寶床可能瞓唔慣，成班女孩子，一早起身，自行收恰。大個女呀！

連床鋪被鋪都自己執。如果係屋企都係咁，就好囉。

好有酒店CHECK OUT FEEL⋯⋯齊齊執恰細軟，準備回家去。

一早起身，咁多個小朋友都要醫肚。體貼的上恩媽一早準備好。

不過有個人話要食炒蛋⋯⋯好在，媽媽平時有教佢⋯⋯

Isaac: 我最叻係炒蛋，因為我好鐘意食雞蛋。

Claire: 我唔鐘意食雞蛋，我鐘意食香口野，好似呢D肉鬆咁。

一瞓醒，又可以成班柴娃娃一齊食早餐。呢D，就係青春。

食完仲要各自清洗，又係個句啦，如果平時都係咁，就好囉。

食完早餐，家長未到，一齊落平台玩陣先⋯⋯

各大家長就係呢個時候到，送佢地每人一支雪條，呢個周末真係開心到不得了。希望兩兄妹長大後，會記得呢D開心時刻啦！