花式跳繩初體驗－－－K3

13 May 17 年紀輕輕的Claire, 被幼稚園老師睇中，幫佢報名參加花式跳繩比賽，可惜對手係小一學生。K3 既佢，究竟有無收獲呢？真係令人緊張。

比賽當日，由媽媽帶佢出去參賽。等食早餐期間，有個小妹妹拎本手冊出黎唱校歌⋯⋯嘩，點解呢個樣，顯得Claire 特別瘦削既呢！

Claire: 人地練跳繩練到咁瘦吖嘛！

比賽地點係石硤尾，媽媽真係第一次去。去到人咁多，超級亂。幸好媽媽之前帶過哥哥比賽，大約都知流程如何。

等左一輪，終於等到30秒單車步，第一個項目出場。好緊張的Claire 呀（點此）。K3 第一次出賽，跳到39下次數，媽媽真心覺得佢已經好叻。

出完第一個項目之後，導師帶佢地落操場練習。體能一向不是很好的妹妹，有個優點，就係肯學肯專心，這種性格，媽媽好欣賞。希望佢之後可以一直有這個態度。

Claire: 嘻嘻，我未試過玩跳繩比賽架！我終於有機會參加了。

第二個項目，係後繩，Claire 發揮得好好。只是對手都是小學生，K3 的她有點輸蝕。但不輸態度就好了。（後繩比賽片段）

最後一項，對Claire 黎講，亦都係最有挑戰性，因為要記熟呢堆按次序的花式，媽媽記都有一點亂亂地，何況要小小的人仔記呢！

30秒的有限時間，對幼稚園生黎講，真係唔容易。所以，未賽之先，導師已經叫她跳熟前一PART就足夠。幸好，導師肯陪她一起進場打氣，輸了比賽但贏了經驗（比賽片段按此）我地來日方長，小學之後，大把日子可以出賽。所以，呢次就當作是事前熱身啦！

Claire: 好唔開心呀～～～拎唔到奬⋯⋯
媽媽： 今次姐⋯⋯我地下次實有機會架。

幸好，全場有Claire 鐘意的跳繩老師一起，係等結果的時間中，也得到老師的讚賞和鼓勵，雖然最後帶著失望離開，但Claire 仍然堅持繼續跳繩。媽媽深信，終有一日，她會跳出一個美好的結果出黎的。