五一勞動節－－玩水去

1 May 17 五一勞動節，我地齊齊去勞動一下。先係爸媽兩兄妹各自揹沙灘用具，接著，就係玩，勞動一下身軀。

Isaac: 我好耐無竹竹水人沙灘啦！我最鐘意玩沙！

勞動節假，我地即興約埋蚊姨姨一齊黎沙灘，順便帶返呢個波波池去沙灘玩。估唔到一個波波池，可以搖身一變，變左個小水池。有個人仔扮細，攤左係度浸水。

Claire: 咁人地咁辛苦搬水黎做乜吖？咪就係比我自己浸水咋嘛。

幾咁努力，拎完一桶又一桶，究竟佢係黎勞動抬水，定係黎玩水既呢？

至於大隻既 Isaac，浸唔落迷你池，就努力砌沙。幾咁開心！

四個小朋友，由細玩到大，對住一圈仔的沙，都可以玩一餐。

又玩沙又玩水，Claire 浸緊既，已經變哂泥水咁。

Claire: 反正咁污糟，等我洗埋腳先啦！頭先拎水，踩到我成腳沙呀。

 五月的陽光很猛烈，玩一陣，Claire 的臉兒已經上哂色。難為佢仲堅持唔帶帽搽防曬，相信佢長大後，一定後悔。

見妹妹浸得咁開心，大隻哥哥又要坐埋一份⋯⋯明顯係迫走左妹妹，睇下Claire 副樣子⋯⋯

Isaac: 好野⋯⋯我一個人霸哂個小水池。