海洋公園遊

27 Dec 10 三日聖誕假期最後一日, 亦都係媽媽最攰既一日. 捱左兩日早出晚歸無得恰一恰既生活, 呢日實在攰到無人有

爸爸話呢日要去海洋公園喎, 話帶阿仔睇大魚同睇大鳥.....查實係爸爸自己好想去海洋公園囉, 阿仔睇乜都係咁架啦

朝早十點幾, 我地已經去到海洋公園, 先同媽媽黎張合照先

入到去, 海洋公園佈置得好有聖誕氣氛. 阿仔又好自然咁行埋去隻公仔度擺POSE影相

咁岩雀鳥劇場表演開始, 我地就入去睇, 睇到阿仔目定口呆. 臨尾, 爸爸仲拎左張紙幣比呢隻鸚鵡放入捐錢箱到. 媽媽後黎諗, 如果有人拎住張紙巾, 唔知隻鸚鵡識唔識分既呢

見到個大小丑, 夾硬的阿仔埋去影相, 唔知係咪眼瞓呢, 阿仔又係木無表情.

不過見到呢隻公仔, 阿仔又好興奮喎, 自動自覺咁爬上去坐.

Isaac: 我鐘意玩多過睇野嘛

係觀鳥區門口影張父子照

難得有得坐, 大肚媽媽趁機抖下對腳. 不過呢個background 影出黎又幾靚喎. 影完阿仔仲唔願走, 係咁摸個公仔囉.

睇威威時間到, 爸爸仲興奮過阿仔, 不停咁叫威威個名

差唔多時間, 又要去海洋劇場揾位. 爸爸仲話唔駛咁早去喎.....點知早半個鐘咋, 已經爆滿, 我地唯有係落少少既空位坐住等, 白白曬太陽曬足半個鐘至開始. 難得阿仔又肯一齊坐, 無扭計, 抵錫.

睇完表演再去海洋館睇大魚. 阿仔成程都好精神咁款

Isaac: 爸爸話我呢個樣好得戚喎

不過係黑猛猛既海洋館留左咁耐, 阿仔終於敵不住睡魔. 係我地排隊去坐吊車時, 已經瞓著左

可惜只係恰左半個鐘咁大把.....阿仔點解你呢三日好似越玩越精神既.

Isaac: 工人, 呢個姐姐係度玩乜呀?

捱到差唔多六點, 趕住要返屯門同三叔食飯, 我地要離開海洋公園了.

媽媽: 你做乜停低呀?     Isaac: 爸爸影緊我相呀

好攰好攰....媽媽好攰, 但仲要出去食飯. 不過阿仔一 d 都唔攰, 仲搏命撩三嬸玩. 果然細路仔精力旺盛呀

連續三日係咁行, 呢日停係海洋公園要爸爸拉筋至少三次. 翌日返工, 媽媽仲好似唔可以企咁, 對小腿無力到呢.....真係辛苦爸爸係咁幫媽媽拉筋了.

xmas buffet

26 Dec 10 BOXING DAY 又係頻撲的一日. 行程一係我地同公公婆婆出去帝苑食LUNCH BUFFET.

Isaac: 兔兔, 你做乜企係度呀.

Isaac: 我用劍撩下你先

Isaac: 爸爸, 點解隻兔唔肯郁既?

Isaac: 小丑姐姐比我呢把劍型唔型?

一齊食buffet, 阿仔食到好飽. 爸爸仲塞左粒大大粒既棉花糖比阿仔食.

Isaac: 我地父子情深, 點飽都要比面爸爸吞左粒棉花糖佢.........不過媽媽, 我真係飽到上心口, 呢粒你幫我食埋佢吖

婆婆有事走先, 臨尾同公公影張合照先

平時好少見公公架, 經過呢次buffet, 阿仔對公公已經唔抗拒, 仲任公公抱tim

食完仲走出去睇噴水池.

又一証明, 阿仔精力旺盛, 行得仲快過媽媽.

行程二, 係去探爸爸老友既初生bb囡. 點解阿仔忽然爬上媽媽大脾攤係度笑呢?

原來係見到個bb囡咁攤係度, 阿仔又要學.

唔知遲 d 細囡出世, Isaac 會唔會又要一齊咁攤係媽媽大脾..........咁媽媽咪要生多兩隻腳至可以"浪"住兩兄妹囉.

行程三係一齊晚飯.....呢日媽媽又係攰到七彩. 返到屋企, 對小腿已經攰到呢, 要爸爸幫手按摩拉筋了. 唔通細囡重得咁快, 忽然間小腿咁攰.

xmas party

25 Dec 10 一連三日聖誕假開始, Isaac 今年節目簡直豐富, 日日有節目. 第一日正日, 先去朋友仔Edith 屋企開 p.

我地好早就到左啦, 其它小朋友都未黎.

Isaac: 點解好似咁靜既

先同主人家 Edith 打個招呼先啦. 不過Edith 怕羞, 唔肯比Isaac 拖拖手.

等左一陣, 終於多左小朋友了.

Zac: 我都等到好悶呀.

Isaac: 媽媽, 點解隻Rody 變左色仲要縮左水咁既

濟濟一堂既各大媽媽同各大小朋友合照.

呢張相媽媽最鐘意, 好有幸福家庭feel咁, 可能background 係好住家feel掛.

Isaac: 挨下張梳化睇電視先

Isaac: 我搶鏡 d 定聖誕老人搶鏡 d 呀?

Edith 屋企好多玩具架, 係細路天地黎. 個個玩到無停手

當中有呢套煮飯仔, 各大仔仔都係咁圍住黎玩

仲有呢個草菇屋.

Isaac: 喂, Jinla, 你今日去左邊度玩呀? 我開緊party呀, 今晚唔返黎食飯喇.

Jasper: 我要去買餸先

Isaac: 嘩, 成枱玩具, 我要爬埋上去至得

阿仔一路拍個面包超人大頭波一路睇電視, 幾梳乎.

成副電視精咁既樣.

抽獎時間到, 阿仔抽左套鼓返屋企

Isaac: 滿載而歸, 又食又拎..........但我唔可以笑, 要含蓄 d 至得

幾個細路後尾坐係bar枱前面唔知做乜, 好似等影相咁. 但影影下又忽然散哂水喎

Isaac: Zac, 你玩下個琴吖

 Zac: 我要望鏡頭呀, 一陣先玩啦.

臨尾諗住走, 點知 daisy 姨姨拎左兩個homemade 既芝士旦糕. 咁食埋至走啦, 不過食到好飽既仔仔, 只係對芝士旦糕上面既blueberry 有興趣, 話咁快已經比佢食哂了

返到屋企成七點鐘仲要出去食飯, 媽媽已經攰到死死下. 但阿仔好似越玩越開心, 最精神係佢. 最攰係爸爸媽媽囉.

聖誕party . 冬至食雪糕

18 Dec 10 話說半年前, 幫 Isaac 仔入紙係屋企附近既YWCA 報左個周六下午既playgroup, 因為爸爸長週返工既日子, 媽媽放左工返到屋企都三點, 呢個時間都唔知同 Isaac 去邊好. 反正YWCA 平平地又幾出名, 就報左.....點知一等, WAITING到12月至有位.

呢日第二堂, 係XMAS party, 父母可以自由影相, 其它堂數無得影相架@_@ 都唔明點解

媽媽撞岩公司又好忙, 呢日遲左放工, 唯有工人同 Isaac 去玩住先.

Isaac: 我想扮警察追賊呀

呢個唔止係playgroup咁簡單, 其實佢係一間幼稚園同幼兒園黎. 所以好多車仔同玩具任玩

坐完一架又一架, 媽媽未黎到, 果然阿仔係寧舍活躍呀

做乜阿仔對腳同個車頭咁夾咁既

媽媽終於到了......坐左一陣就話要玩大風吹. Isaac 睇完第一組小朋友玩完, 好似明左點玩咁, 好搞笑. 當然最後係穩贏啦.

搞一輪其實都幾悶....不過終於到 Isaac 仔最期待既節目. 你睇佢期待到呢, 成個頭飛哂出去裝

咪就係裝miss們分派既聖誕茶點囉..............嘩, 成碟野, 得旦撻係 Isaac 之前食過架咋, 全部都新食物黎.

Isaac 仔好唔客氣咁即刻食棉花糖, 媽媽就好專心咁幫仔仔起雞翼既肉.

食完聖誕茶點, 本來諗住走人啦. 點知 Isaac 仔好想繼續玩, 媽媽見好多細路都走哂, 趁人少少, 就比 Isaac玩多陣

估唔到佢最鐘意係迷你波波池

Isaac: 點解無人黎陪我玩既

仲係咁扒哂落去, 踢哂 d 波波出黎. 媽媽都無見過佢咁 likely 既

22 Dec 10 呢日冬至正日, 我地早左一日同婆婆做節, 所以呢日一家三口自己出去食冷面烏冬當做節了.

Isaac: 爸爸, 乜你睇menu睇咁耐架

Isaac: 我學下你地大人點食日本野先

Isaac: 侍應姐姐, 你可唔可以上住 d 壽司我食住先, 我爸爸仲未諗到食乜呀, 餓死我了

Isaac: 擺個cool 樣影下相先

食完飯, 媽媽話要去食雪糕. 爸爸話, 不如買支 mini ice-cream 比 Isaac 仔一個人拎住食. 阿仔未試過一個人拎成支雪糕食架, 次次都係同媽媽分甘同味, 媽媽見聖誕節, 算啦, 就比仔仔一次咁多, 一個人食哂一支啦.....其實幾驚佢會半夜肚痛囉.

Isaac: 媽媽, 呢支ice-cream 點解細你個支咁多既

Isaac: 好味.

Isaac: 你又影我相..........

第一次拎成支雪糕食都無跌落地下, 只係食到個咀仔搽哂 ice-cream, 媽媽已經覺得仔仔食得好叻了.