嵐山天龍寺 @ DAY 6

24 Nov 10 行程最後一日, ZAC ZAC 一家早機返港了. 所以媽媽當呢日係自由活動. 無預先諗定去邊. 一直諗住呢日到時睇下想去邊就去邊. 咁岩早幾日去唔成嵐山, 媽媽成日係到話, 好遺憾呀.....所以, 爸爸就話呢日, 臨去機場前, 點都要去一轉嵐山, 否則返到香港, 媽媽仲會成日提住遺憾呢兩個字.

一出嵐山JR站, 就見到呢盤望到都唔想食既燒魚, 乾爭爭咁. 似公仔多D囉.

沿路都好舒服, 好靚, 好有富良野感覺.

第一站行去天龍寺, 好在我地真係黎左嵐山咋, 因為嵐山係成個行程中最靚既地方. 雖然只係逗留左兩三個鐘, 但真係好有觀光FEEL囉.

三個玩到好攰既一家人, 對眼係出奇地咁襯.

媽媽: 阿仔, 我地終於見到好多紅葉啦.

成個天龍寺都好多紅葉, 好靚.

呢張好似係咁多張HUG住阿仔影相, 影得最甜既一張.....因為阿仔無抗拒阿媽咁埋身, 呵呵呵.

我地只係向天龍寺外圍影相, 因為嵐山好多寺, 所以無比料金入去天龍寺細行..............事後, 好後悔囉, 原來天龍寺北門個度仲靚呀, 早知比錢入去行勻啦.

由天龍寺出發, 行去常寂光寺, 途中見呢間橫巷咁多本地人幫襯, 就買左件黎試下

呢個蕃薯糕, 係好香蕃薯味架.

往常寂光寺要經過竹林之道.

真係好高好密既竹林. 有陣陣竹味.

遠望既嵐山一角.

係常寂光寺附近, 兩父子幾咁合拍 --- 笑得.

終於行到常寂光寺門口啦......之但係呢

爸爸: 咁多樓梯點入去呀, 唔知有幾多級樓梯喎

媽媽一個人企係門口往裡望, 又真係望唔到樓梯盡頭囉.只係見到好多人係前面.

 所以, 我地決定折返去天龍寺個邊, 行下渡月橋算..........就係回程, 咪就見到天龍寺北門囉, 唉, 揼心口都揼唔切. 早知係咁, 唔嘥時間行去常寂光寺啦.天龍寺咁靚..................

係常寂光寺附近, 再黎多張相先.