祇園いづう . 八坂神社 @ DAY 5

23 Nov 10 去完二條城, 我地又好匆忙咁行去搭車, 因為要去祇園. 時間關係, 祇園只係途經咁, 因為我地要揾間出名食壓箱壽司食LUNCH.

一轉入祇園商店街, 就見到呢間野, 好多晴天公仔呀.....爸爸話想買喎, 好在佢無買, 唔係屋企又多樣野封塵.

呢間叫壹錢洋食, 不過煎緊既餅, 媽媽見到都無乜興趣, 所以無試. 但佢門面又真係好特別, 除左晴天公仔, 仲有呢個咁搞笑既狗咬甩褲.

全靠爸爸, 我地終於係橫巷揾到呢間一 D 都唔起眼一 D 都唔似食肆既いづう. 估唔到我地12點鬆 D 去到, 已經無位. 原來裡面只可以坐十個人左右架咋.

  好在等左一陣, 終於有位坐了. 有埋鋪頭名既茶具, 背景係坐係到等位既公公婆婆.

爸爸媽媽一齊食呢兩碟壓箱, 醋味又的確好夠, 比本福壽司濃好多, 飯呢, 又濕又煙靱. 不過兩個人食呢兩碟野, 都成五千五百YEN, 都咪話唔貴.

 食完爸爸係咁呻話唔值, 因為爸爸一點都唔鐘意食壓箱.

係いづう對面, 有間樓上店叫人妻專門店, 媽媽真係好想知裡面係乜黎架囉.

因為壓箱壽司 D 飯太濃醋味, 所以兩個細路既LUNCH 係一人一盒提子乾. 仲要係我地食完飯, 佢地吹住西北風黎食.

你睇兩個幾咁同心, 最專心係呢個MOMENT啦, 岩岩瞓醒又餓又凍.

離開いづう, 我地一個箭步行去八坂神社.  沿路實在太多人了. 係八坂神社門口見到紅豆餅, 梗係要買一條魚魚比佢做LUNCH. 否則真係餓壞阿仔.

八坂神社無乜紅葉, 真係睇個神社. 兩個細路索性悶到拎住汽球係咁玩.

不過就見到有新人係八坂神社影結婚相, 仲有著哂和服既媽媽同囡囡

唯一一個有 D 紅葉既池塘仔

 所以我地又好快走, 出發去清水寺了

轉入呢條唔起眼既橫巷, 就係通往清水寺方向.

著哂和服又係影結婚相.

我地係清水寺都甩哂時間, 原來由八坂神社行去清水寺, 好長既斜路同梯級架. 真係辛苦哂大家又要的BB車又要抱BB上去.

呢條路不過係剛開始咋, 陰公, 所以仲未開始見到擠擁既人堆迫上清水寺.

係祇園揾唔到藝妓影相, 係呢度比媽媽見到, 梗係要影返張. 以為阿仔會驚驚啦, 始終塊面咁鬼白, 點知仔仔無驚喎, 影完相仲同兩位藝妓飛吻 TIM.