金閣寺 @ DAY 4

22 Nov 10 呢日係行程中最辛苦既一日. 因為要香港時間五點起身, 攞命咁滯. 最辛苦係Isaac, 比人摷醒極之唔願意, 仲痴實左張床, 爸爸夾硬的佢起身時, 阿仔就合埋對眼搏命喊.

除左最辛苦外, 呢日係行程中最凍既一日, 因為早上天陰, 下午落雨.....大阪京都都落雨, 真掃興.

第一個行程係金閣寺, 因為賞紅葉, 必到景點係金閣寺喎. 又要計返天黑時間同關門時間, 所以最安全係第一站去左金閣寺先.

一去到門口, 已經兩排紅葉, 可惜無太陽, 天陰陰咁

終於又揾到棵好少少既樹影張家庭照.

媽媽: 咦....阿仔笑下啦, 挨埋d啦.      Isaac: 咦.....唔好推我咁埋啦.

Zac Zac 同 Isaac 係呢個行程既玩伴黎, 互相陪伴. Isaac 成日都走去kiss Zac Zac, 一係就抱佢, 一係呵佢, 成副大佬feel咁. 如果妹妹出世阿仔都係咁, 就安樂哂囉.

 Isaac: Kiss 係外國禮儀黎

Isaac: 拖實我呀, 呢條石仔路好多碎石     Zac: 我都好小心咁行啦

沿住條路行, 就會被安排咁行到去金閣寺了. 上網睇人影既相, 明明好似講到好靚架喎. 莫非媽媽真係對寺無興趣, 一望到呢個寺, 就覺得無乜咁靚姐...

阿仔招牌笑容, 好易認.

金閣寺全相.

難得係金閣寺前, 見有棵樹都幾紅下, 不過仔仔副招牌笑容, 又係搞到幫手影相既路人諦笑皆非.

金閣寺寺頂, 有隻公雞, 唔知點解媽媽留意到唔少人刻意近鏡影佢呢......回程有個位置係影到個寺頂隻公雞姐, 寺身影唔到架喎

如果呢日有太陽, 如果呢日紅葉開得七七八八, 應該會更加靚囉.

爸爸: 寶貝仔, 等我聞下你香唔香.   Isaac: 點解你同媽媽都咁架, 係咁夾實我黎影相

相比起個寺, 媽媽鐘意遍地紅葉多d 囉.  如果用專業相機, 應該可以影到好靚.

終於都dou完金閣寺, 向下一站進發---嵯峨嵐山.

不過按行程, 淨係由金閣寺行去坐呢架電車去到馬堀站

行左好耐呀.........都唔知有無行左超過半個鐘

行得咁辛苦, 點知都係去唔成嵐山......好失望囉.