二條城 @ Day 5

23 Nov 10 呢日又係去京都, 有左之前個日既經驗. 呢日媽媽趁阿仔仲瞓到隻豬咁, 幫佢換好哂衫, 點不知輪到爸爸幫阿仔著褸時, 就係咁又摷醒左阿仔, 又係一輪大喊扭計.

呢日無落雨, 不過好凍. 兩隻包到實既細路係到玩

Zac: Isaac, 我地行啦, 唔好再 fing 條繩啦

 無計, Isaac爸爸係咁教 Isaac fing 繩, 媽媽勸過不果. 明明講左話阿仔唔識分邊 d 可以fing 邊 d 唔fing 得, 一陣入到銀行都起勢咁fing 就曳曳嘛. 但爸爸怪媽媽顧慮太多喎, 教得阿仔fing繩就有信心控制佢............聽住先啦

Zac: 唏, 我唔理你啦, 我入去先

Isaac: 等埋我啦.

入到二條城, 原來都好靚架........算係咁多日裡面, 最多紅葉既一個地方了

Isaac: 咦, 又抱到咁實..........

竟然有棵樹落哂葉, 香港都好少有了. 梗係又要捉埋阿仔一齊影.

寺院出面, 居然有咁綠咁庭園feel既景喎. 不過以前古人真係悶, 只可以係裡面生活, 真係十足拍戲咁. 去後園撲蝶.

媽媽: 阿仔, 我地笑下啦            Isaac: 我個招牌影相笑容出左黎啦

呢度真係好靚. 可以留多陣就好了. 可惜時間又有限, 我地又要去祇園食飯喎

咁岩大風一吹, 滿天黃葉, 不過相機影出黎又好麻麻睇到. 總之係好靚啦. 可以慢步欣賞.