22 Nov 10 我地由馬堀站行路去龜岡小火車站, 行五分鐘左右架咋, 好快, 直路一條黎. 不過行到去龜岡都成十二點了...........已經遲左, 唯有打算買12:35分既小火車去嵯峨. 殊不知排排下隊, 12:35分既小火車, 連企位都售罄, 迫住買一個鐘頭之後既小火車, 嗚嗚, 成13:35至開車, 仲有成個幾鐘唔知去邊好. 爸爸就建議行返去馬堀站個方向揾地方LUNCH.
呢間係食龜岡牛, 爸爸係咁話好好食.....媽媽就唔識欣賞了, 因為平生最討厭係食咁大塊肉(除左陀住 Isaac 仔個時忽然鐘意食之外).
兩父子不知幾投入睇menu
爸爸: 我地食邊款好呢..... Isaac: 款款都係牛, 無乜所謂啦.
龜岡站月台, 好明顯又係超級陰天囉
到我地上小火車, 就落雨, 仲要越落越大, 我地仲係坐第五卡車廂, 撇雨撇到呢, 又大風.
一臉疲累的媽媽, 無計, 呢日五點起身呀.........同埋一上小火車就攰到瞓著左既阿仔. 太大風, 媽媽要用爸爸件風褸幫阿仔擋風擋雨.
沿路既風景, 我諗過多個零禮拜, 會多 d 紅葉就會更加靚
廿分鐘車程, 我地就到左嵯峨野了.
嵯峨野小火車站出面有架好京都feel既車.
係酒店附近既商場隨便dou下, 其實想揾超巿買生果, 但原來係無超巿, 好即興咁又入左間甜品餐廳食下摛日食唔到既宇治綠茶新地, 當滿足下之前個日食唔到既伊藤久衛門既綠茶新地.
Zac: 嘩, 好似好好味咁喎
Zac: 我笑得你冧唔冧呀? 不如比我食你杯雪糕吖
媽媽點左呢set甜品, 最鐘意係佢好濃好杰既個碗綠茶. 淨係個碗都覺得佢似日本茶道個 d 即造既綠茶咁.
食完甜品, 決定返酒店沖下涼先, 夜晚再出黎揾食
Isaac: Zac Zac, 我地要分開一陣啦, 你要乖乖呀
遺傳自阿媽既本色, 阿仔行過野食店都要望下, 仲要拎埋起手tim
Isaac: 呢舊菓子好似好好味咁, 不過好貴喎
返到酒店沖完涼, 阿仔好似成個大人咁, 自己上梳化仲要坐到咁梳乎.....去按remote control
攤左一陣又要出去食飯, 大阪既天氣同京都一樣, 落雨, 又凍.
阿仔企係lobby已經比我地包到成隻愛斯基摩人咁
Zac: Isaac, 等我摸下你隻手凍唔凍
係酒店附近個商場, 阿仔明明係睇水, 諗住同佢影背後個xmas background, 點知一聽到要影相, 阿仔竟然踎低擺pose, 唔通阿仔你想媽媽影草草..........定影水水呢?
行行下, 忽然又走去hug hug Zac Zac, 咁熱情, Zac Zac 都怕左佢
晚飯後返到酒店, 爸爸攰到即撻左上床恰下, 阿仔以為爸爸同佢玩, 又一齊撻上去. 阿仔係呢個旅程中最開心既一個黎.
早起既一日, 終於可以早返酒店休息, 因為下午邊度都無去嘛. 不過都好, 阿仔可以補充返能量.
沒有留言:
張貼留言