開始試奶粉

28 Aug 11 Claire: Hi, 媽媽, 早晨呀, 我口痕想咬野呀

四個月開始, 媽媽發現囡囡最鐘意玩奶咀, 包括塞入口再拎出黎再塞入口, 不停咁做呢個動作. 媽媽成日都諗, 其實係咪佢控制唔到手仔放開奶咀吖, 定真係想自己PRACTISE 食奶咀. 不過媽媽都留意到, 囡囡離遠望到奶咀, 係好有意識咁去拎黎放入口囉, 反而最貴既SOPHIE 佢就麻麻. 唔通囡囡真係曉得奶咀係用黎食既?

Claire: 呀......我要食奶咀

十次有九次都係食唔準既, 因為囡囡仲未識放返手出黎, 於是個奶咀咪不停比佢渣實, 又出又入咁, 跟住食到自己忟哂.

29 Aug 11 媽媽呢日興起, 又抱囡囡出梳化坐下先.

Claire: 我坐得定唔定呀?

Claire: 喂, 其實我都大個囡啦. 識得坐梳化囉.

30 Aug 11 四個半月識得轉身, 但謎在阿媽仲未成功錄到佢轉身囉. 都唔明既, 次次拎實個相機睇到實一實呢, 囡囡就定左形唔會轉架. 就算放低相機都唔郁喎. 吖, 跟住出去飲杯水啦, 入返房, 轉左. 又或者媽係房執緊野, 再望下囡囡,  阿囡會反到咁. 真係玩野.   Claire: 你咪裝我啦, 我就係唔想比你睇到我點反身.....    媽媽: 咁你大個左唔好賴我點解無幫你錄低反身既video 喇.

Claire: 咁呀, 至多比你影張反左既相先啦, 我反身過程好無儀態, 未想上鏡住.

呢晚凌晨餐奶, 由人奶轉左奶粉, 唔係富媽媽無奶, 而係阿囡長期努力咁維持係生長線既10, 加埋囡囡瞓得好差.....離奇地差同少, 媽媽都掙扎左好耐, 卒之有日同爸爸講開, 爸爸力勸媽媽轉餵奶粉~~~~仲要日頭餵喎, 媽媽梗係唔制啦, 咁多奶, 日頭囡囡啜好耐架嘛, 反而凌晨個餐就象徵式啜兩野瞓覺, 不如凌晨個餐飲奶粉無咁傷.

31 Aug 11  以為呢朝會晏起啦, 之前個晚餵奶粉吖嘛, 點知又係七個鐘就起身.
係床仔玩緊較剪神功.  

 Claire: 乜我飲奶有問題咩?

變臉

23 Aug 11 阿妹呢日玩變臉. 明明一副要喊既樣.


Claire: 嗚嗚......我忍忍忍.....有相機對住我, 唔可以喊.

Claire: 忍功成功左, 扮哂可愛咁上鏡.

你睇, 除左件衫, 有邊忽似女仔吖.

Claire: 做乜咁話我呀? 雖然我個手勢似做粗口咁......

Claire: 馬蹓精變身....

24 Aug 11 四個半月既妹妹, 間唔時都會好努力咁轉身. 但用既時間都幾耐下, 所以媽媽都未錄到轉身既video.

反到口水都流埋出黎

Claire: 用手塞住個咀先, 費事媽媽影到我口水個樣.

25 Aug 11 Claire: well, 其實我係咪好有潛質做o靚模呢?

26 Aug 11 呢套衫真係呃哂人, 以為買大左....其實係真係買大左, 因為套衫係3個月size....我諗阿妹應該著nb size會好d.

呢幾日見妹妹有鼻水, 加上間房個冷氣壞壞地......好凍呀, 開哂窗同門都好凍. 唯有幫妹妹著返件長袖衫.

27 Aug 11 諗住比阿妹挨下啦, 點知佢一挨就咁happy~~~~之但係點解個樣咁男仔feel既.

Claire: 媽咪, 我呢個pose唔男仔啦掛...

預支半歲生日會

18 Aug 11 阿妹真係好懶轉身, 有時唔覺意反轉左, 都只係咁停左係到.
停係到做乜? 咪就係食手囉. 無時無刻都記得食手.

 Claire: 我覺得手仲好味過奶奶.

一個人係床到, 又係作反時間. 作反到自己都無眼睇.

19 Aug 11你睇你睇, 又黎唔覺意轉身, 明明捉住腳趾都轉身, 但隻手仲係不離口.

Clare: 媽媽, 我家下咪無食手囉.

除左食手, 其次鐘意玩腳趾.

20 Aug 11 呢日媽媽同妹妹參加半歲生日會, 其實係預支半歲, 因為妹妹五個月都未有, 呵呵. 一身型look進場, 型呀, 夠哂搶鏡. 你睇幾cool

 除左型鏡, 妹妹最叫人記得既係佢既細粒身型. 呵, 竟然在場有爸爸記得妹妹係最細粒, 不過加多句係, 妹妹大隻左了~~~~做媽媽真高興.

簡簡單單既生日會, 所以媽媽都著得好求其咁去. 一齊排排坐影張大合照啦.
Claire: 影黎做乜姐? 我食手好過........

好靚加好味既生日旦糕.

單拖出席媽媽, 同妹妹預支張半歲生日合照先.    Claire: 睇黎個旦糕好似好食過我隻手喎.......


21 Aug 11 呢晚我地一家大細出動去飲, 妹妹好聽話, 在場食完奶奶好快瞓著左. 反而live band 嘈到爆, 我地仲坐係喇叭前面, 媽媽聾咁滯, 真係服左妹妹可以瞓到. 媽媽比十個叻你.

 Claire: 多謝

22 Aug 11 呢套就係去飲既衫, 因為去飲個晚好匆忙, 都無影到tim.

 Claire: 影完未呀, 我想食奶咀......

招招積積既pose, 都唔知邊個教佢浪腳既呢...

開開心心上學去

呢日係正式上學日, 為時三個鐘, 同埋家長都唔可以再入去睇早操同陪上堂. 媽媽送到門口就要走了.

出乎意料之外, Isaac 居然無喊喎, 無扯住媽媽. 阿仔你真係叻, 呢幾日返學, 好多野都出乎媽媽預期之外, 給爸媽一個安慰的驚喜.

睇返個video, 好明顯係爸爸唔捨得多過阿仔囉, 呵呵呵, 笑死媽媽. 好似個傻佬係咁嗌住仔仔回頭望.

到放學時間, 媽媽以為阿仔唔知有無喊啦, 因為同期朋友仔, 返學唔喊但放學會喊, 又或者經過幾日分離, 返學新鮮感無左會忽然掛住屋企跟住喊架喎, 咦, 點知又係無喊喎. 仲笑騎騎咁比老師拖住行出黎. 一臉笑容咁.

睇黎爸爸媽媽可以放心了, 因為好明顯仔仔好鐘意返學.

ENJOY 校園 ﹣ 早操篇

呢日係 LAST 一日可以睇到阿仔返學情境， 所以早操時間， 媽媽搏哂命錄影～～～～不過媽媽仲係好堅持， 一入課室就閃人。雖然好想知仔仔表現如何， 但為左成長， 點都要忍心D。

呢朝媽媽睇到阿仔好明顥已經投入哂， 人地都未開始早操， 只係播緊音樂咋嘛， 阿仔已經跳緊。好搞笑。

跟住正式做早操， 仲跳到有哂台型， 仲要後邊成班同學仔都無乜邊個跳。

除左跳， 到校長介紹其它老師時， 阿仔仲一齊伸埋手TIM， 真係開心。

最搞笑係， 早操會請同學仔上台一齊跳， 呢日阿仔係咁舉高隻手， 但無人睇到， 阿仔索性自己踩上台， 真係天真可愛的小朋友， 可惜校長趕返阿仔落台， 話要九月至可以上去一齊跳喎。唉， 媽媽覺得既然都上左台囉， 不如比佢跳啦， 咁樣比人趕返落台， 可能阿仔以後有陰影唔敢再主動上台LU。

自己踩左上左台， 仲要舉高手想校長老師望到， 好可愛呀仔仔你。

扮動物

做父母既, 永遠都覺得自己個仔可愛既, 即使佢埋d 可能人地唔覺得可愛既行為.

呢日, Isaac 忽然興起和媽媽做動物, 媽媽忽然醒起要錄低, 吖, 咁好仔仔又肯比媽媽錄住黎做多次喎. 好搞笑.

可惜錄左一次之後, 媽媽至醒起, 漏左仔仔近期至愛---大灰熊呀, 呢輪仔仔返jazz學返黎既. 點知仔仔唔肯翻做之前既動物, 咁唯有淨係做大灰熊啦.

特登錄低up上黎, 留返仔仔大個睇返.

oversized

15 Aug 11 阿妹間唔時搞到好似賣廣告既pose 咁. 實情係囡囡手仔仲未好肯渣野.

有相為証, 食住都係用手臂圍住sophie就算.  雙手認真懶得就懶.

沖完涼涼, 媽媽摷返呢件好得意既造型衫比妹妹著下.

不過懶豬好明顯唔鐘意坐囉. 你睇塊面苦到苦瓜咁款.

16 Aug 11 出世明明同 Isaac 一個餅印既妹妹, 究竟而家大左, 對眼似爸爸定似媽媽呢. 呢日瞓醒又忽然兩隻眼仔變雙眼皮.  

Claire: 唔理似邊個, 我最想扣喉嘔返 d 野出黎, 我要瘦身呀.

Claire: 我好肉緊呀.......................我咬死你.

Claire: 好攰, 抖下先.

呢套衫分別係爸爸同媽媽各自係唔同地方買既, 碼數都係80, 不過著係四個半月的妹妹身上, 好明顯係oversized, 似一個滑板look多 d 囉, 睇黎以後d 衫可以有排著.

17 Aug 11 一臉沈思樣, 唔知諗緊乜呢.

 Claire:我諗緊點反身.

呢個pose 係妹妹近期至愛. 實在叫媽媽真係幾担心下, 因為佢又唔係趴轉, 對手又要唔伸出黎, 仲要唔會出聲叫人喎, 真係就咁仆低就算. 容乜易一陣睇漏眼焗親架.

咪就係咁既樣囉, 郁都唔郁唔知佢想咁面床思過吖, 定係想培養情緒瞓覺.

獨自返學去---偷拍實錄

呢日係第三日既返學日了, 呢日開始由一個鐘變兩個鐘. 一返去又係全校做運動....其實成班N1都唔知做乜囉, 個個一係喊既喊, 唔喊既就呆哂咁望住校長做運動.

呢朝做運動, 仔仔心靈感應媽媽會走, 所以做左樹熊, 後黎有個老師叫媽媽呢埋唔好比佢見到, 一呢埋, 媽媽睇到仔仔喊, 不過一分鐘唔駛, 真係一分鐘, 咁就收左聲. 好堅強呀仔你.

以下全部係媽媽偷拍仔仔上學既片段, 好珍貴架, 因為之後無得再睇佢返學了.

眼角仲滴住半滴眼淚, 強忍淚水睇住個台.

Isaac: 點解呢度有個媽媽既......我媽媽呢.....

呢張都係偷拍, 只係伸個相機去玻璃窗影既姐.

 Isaac: 媽媽呢......

好聽話呀仔仔你, 幾個同學一齊坐.

剛開始既課室, 有點狼狽, 不過之後仲狼狽, 因為好多家長湧返入課室照顧仔女食茶點, 不過媽媽依然堅持原則, 等仔仔早日適應無媽媽照顧既校園生活.

好快已經投入哂, 仲出黎拎唔知乜野TIM.

後黎仲周圍行, 可能悶得滯啦, 因為課室實在太亂,  喊既喊, 出黎既出黎. 基本上我跟過一日就知, 係裡邊聽喊聲仲大聲過老師講故仔既聲音囉.

跟住到自由玩樂時間. N1班真係好亂下, 亂到大家都唔知邊對鞋係自己就咁著左就算. 媽媽後黎都發現係滑梯到有一撻唔知邊個小朋友既尿尿.

偷拍阿仔既玩樂樣.

Isaac: 我唏....等我學爸爸先.

 Isaac: 等我執返個波波先

玩樂完排隊去完洗手間, 回程時媽媽竟然比仔仔發現左呢埋係防煙門後邊......乜仔仔你咁遠都望到架. 好在仔仔走埋黎笑一笑, 跟住自己返番去老師到咋, 媽媽幾驚佢見到媽媽, 會失控撲上黎喊.

媽媽好堅持呀, 去廁所時間都唔會出現陪佢...雖然比佢發現左. 不過無理由咁就要陪架嘛, 不過既然都比佢識穿左媽媽既存在, 所以都無謂在呢埋遮遮掩掩了, 之後, 媽媽就索性企係玻璃窗前面影相算.

仔仔食茶點, 好叻仔, 茶點一埋黎就即食, 仲要好快手

唔知點解忽然間課室係好多家長架囉, 去完廁所個個家長都衝入課室幫手餵食定點. 但阿仔已經標左出黎啦~~~~~tidy up. 嘩, 媽媽係出面望住, 真係四萬咁口笑哂.

老師拎個箱比仔仔tidy up.

殊不知呢頭tidy up, 個頭埋位阿仔又可以食第二輪, 媽媽眼都突埋......乜老師比咁多你食架.

食完無所事事, 仲走出黎玩白板.

又想同老師講野, 可惜媽媽見到老師好忙碌咁湊仔女, 唔得閒聽仔仔講乜. 呢下媽媽真係心急, 不過無計, 做阿媽都要學習接受.

完哂茶點, 又到故仔時間, 阿仔真係開始悶, 睇佢楝高隻腳就知, 仲要擰埋後面唔知想點.

不過可能阿仔忽然回神, 知道要留心上堂, 居然自己擔凳仔拉前坐.

點知坐坐下又悶到要周身郁, 媽媽係出邊睇見真係好笑.

到放學時間, 接放學時, 阿仔又出乎媽媽意料, 居然無喊喎, 仲好聽話咁跟住老師行出黎tim. 叻仔, 希望以後都係咁啦.