忽然雙眼皮

4 Aug 11 呢朝瞓醒， 阿媽好驚訝， 咦。。。。點解妹妹對眼忽然變左雙眼皮架。

唔通真係遺傳爸爸對眼？ 係就好囉， 咁爸爸對眼唔會失傳啦， 哈哈哈。不過唔知會唔會只係曇花一現，聽日瞓醒又變返單呢。

呢日媽媽如常又出左去做運動， 唉， 返黎又係比媽媽發現工人擅自調較閃光燈狂閃阿囡。媽媽真係嬲到震。之前已經講左好多次唔淮開閃光燈， 之前就賴係阿仔自己較閃光燈， 但而家媽媽全職長期係屋企， 加埋相既前後次序， 媽媽肯定係工人影完一張背光相後， 自己走去按開閃光燈跟住狂閃囡囡的。好嬲呀好嬲呀

Claire: 嗚嗚， 閃到我咀都扁埋啦， 你睇唔到咩？ 唔好影啦

 睇呢張背光相幾咁爆光就知係開左閃光燈仲要近距離咁閃埋去。火都黎。

Claire: 喂， 夠囉喎， 閃到我眼都擘唔大喎。媽媽返黎實鬧你架。

究竟有乜方法唔好再比工人立亂閃呢？ 真係唔知佢有心定無意。次次都賴唔知點解會閃光燈會自動開左， 問多兩問就自己話只係影左一張閃光燈， 越問就越爆得多。真係激死媽媽。