happy weekend 2

食完個好趕既LUNCH後， 爸爸話要同我地去影相， 特別係要影商場特別安排既水飄個隻喎， 其實阿媽都唔記得乜名。

Isaac: 媽媽， 同我影張相先吖

Isaac 真係好可愛， 好明顯又係父母一廂情願覺得自己仔女係最可愛既毛病。

Isaac: 點解我開唔到門既

 話說阿仔係咁要阿媽幫佢開門， 不過媽媽真係開唔到， 可能架車真係唔ASSUME比人坐。

Isaac: 媽媽， 你睇下， 我坐電單車呀

好多車唔坐， 阿仔唔知點解最鐘意坐電單車， 係屋企坐住架車仔都要扮係坐電單車咁整郁自己。大個千其唔好要買電單車坐呀， 咁危險。

坐完電單車再走去坐地鐵，坐地鐵坐輕鐵阿仔最鐘意係學大人咁緊握扶手～～～不過係頭頂個 D 扶手。搞到全職媽媽單拖帶佢出街時， 真係鬧過佢好多次， 已經揹住好重既袋， 仲邊有手抱住阿仔你仲要比你握上邊既扶手呢？希望你大個唔好怪阿媽啦。

Isaac: 爸爸， 我大個要做地鐵司機

係商場磨黎磨去， 其實就係要影呢個泳池咁樣既相。未入去之前， 媽媽同仔仔講笑話去游水水呀， 跟住人地一開門， 阿仔真係叫媽媽除鞋， 跟住兩手仲伸出黎摸個地撥水既手勢咁， 十足去左泳池， 哈哈哈， 好搞笑。仔仔真係當真以為去左水池。媽媽真係唔好意思了， 呃左你TIM。

爸爸：唔緊要啦， 你伸手摸上邊當去左泳池都一樣姐

水中跳。

呢日， 去左Isaac朋友仔屋企玩。你睇阿仔見到波波幾咁HIGH。

 無啦啦笑到縮埋一舊。

 Isaac: 哈哈， 我個樣似唔似媽媽呀～～笑到無眼。

玩完波波， 一齊玩泥膠， 阿仔最唔鐘意既環節。媽媽發覺阿仔除左口味遺傳左媽媽之外， 好似連喜好都遺傳埋， 唔通真係咁神奇？ 呢 D 咁DIRTY既野， 媽媽真係見到都皺眉頭。阿仔之前返PLAYGROUP要玩呢D， 都係一望到就皺眉唔肯掂。但呢次好在夠多朋友仔同埋有埋道具， 吸引到仔仔一齊玩。阿媽都唯有硬著頭皮一齊磋。

 Isaac: 我望到就唔想落手磋， 咁DIRTY。

媽媽：哎呀， 我陪你一齊磋啦。

再一個遺傳自阿媽既喜好， 就係個個朋友仔畫到花面貓好HIGH咁

 阿仔一見到就皺眉話唔要玩呢個～～～哈哈哈， 阿媽個心諗， 呵， 乜咁似我既反應既， 果然係有遺傳呀

連續三日瞓得少， 之後周一個晏覺， 一口氣瞓左三個鐘～～～阿媽都不遑多讓， 昏迷左兩個鐘咁大把。實在太攰了， 兩日咁頻撲玩咁多野。不過阿仔就好HAPPY囉。