有性格

8 Aug 11 呢日返健康院覆診, 等車時, 妹妹坐得幾咁招積.

估唔到全人奶既妹妹, 依然力保生長線既10位, 得個5.51KG, 阿媽真係嘔血. 阿妹估唔到你唔單止做胎兒有性格唔吸收, 到家下食人奶都係咁, 邊個話食人奶會肥D架下, 好明顯阿囡你又係一個反面教材.

跟住做發展監測,  好幾次姑娘都話, 算啦, 當佢合格啦 ~_~ 政府既求其, 加上呢個"算啦, 當佢..."阿媽心中有數.

連素未謀面既姑娘, 都話妹妹好有性格, 因為妹妹一D都唔理姑娘....應該話只係望一望跟住唔SO姑娘, 姑娘出動BB最愛既搖鈴, 阿囡都無動於衷.

返到屋企, 媽媽開左個新玩具比妹妹玩. 係媽媽屈爸爸買既, 等爸爸睇在呢幾百蚊份上, 肉緊D阿囡陪阿囡玩多幾下嘛.

沖完涼大教瞓, 因為呢日打埋五合一針. 瞓覺姿勢都型過人, 唔知邊個教佢.

9 Aug 11 呢日媽媽摷到呢件新衫出黎, 同時都發現有件新衫已經唔岩著了, 真可惜. 所以都係唔好買咁多衫, 盞益左垃圾桶.

咁岩新衫又有隻長頸鹿, 加埋隻SOPHIE, 妹妹你有兩隻長頸鹿呀

唔知阿囡諗緊乜定做緊瑜珈, 因為阿媽企左係側邊望左好耐, 囡囡郁都唔郁, 以為又瞓得咁有型啦, 裝下佢, 原來係未瞓架.

比起SOHPIE, 囡囡鐘意呢舊牙膠多D. 家下仲曉得兩隻手一齊拎住, 之不過佢食得好肉緊下架, 媽媽睇住好幾次食到自己想嘔(因為伸得太入, 好似想扣喉咁作嘔)

呢個撓腳POSE又唔知係學邊個既. 乜阿囡你有時咁老積架.

除左食得肉緊, 仲要一路食一路咦咦哦哦, 唔知佢想投訴D乜呢.