開學了

11 Aug 11 開學了, 阿仔開學了.

呢日送阿仔返學睇住阿仔入學校, 睇住仔仔既背影, 媽媽忽然好感觸, 有點想喊既感覺. 唔知點解呢, 不過我估呢個反應, 到阿仔結婚時, 媽媽真係會缺堤都似. 仔仔第一日開學, 撞正爸爸牛一, 媽媽好大方咁比爸爸陪佢一齊上堂.

Isaac: 媽媽, 唔好咁啦, 我扮可愛氹返你啦, 唔好喊.

N1校服係一套運動衫, 加埋個巨型書包, 媽媽最唔鐘意個書包, 人仔細細做乜要揹個仲大過佢背脊既書包姐, 乜都未裝已經有咁上下份量. 咪即係辛苦媽媽.

除左書包, 仲要預備兩對鞋, 入學校之前要換一對鞋, 真係破財, 一次過要買兩對, 到佢腳仔大少少又要一次過換兩對.

排隊去洗手間, 媽媽見到係一團混亂囉, 有條繩都無用, 可能DAY 1 係咁啦, 小朋友未慣, 仲係會不受控咁周圍走

Isaac: 無呀, 我好聽話跟住條龍行架.

Isaac: 幾時至食茶點架.

爸爸話喎, 呢日仔仔係咁問點解仲未有茶點食既.......估唔到成日個流程最吸引係食.

望下望, 望到頸都長, 都仲未有茶點到手.

Isaac: 你做乜偷影我.

Isaac: 今日茶點係通粉.

Isaac: 媽媽教落, 食完野要飲水水.

Isaac: 卒之都捱完呢日, 好悶呀~~~~

Isaac: bye bye 啦魚魚, 我聽日又黎探你.

呢日day 1, 最開心係放學之後, 留係學校自由活動玩, 玩到連阿媽出現都懶得理, 望都唔望阿媽一眼, 話哂都離開左阿媽成兩個鐘. 媽媽都係死心罷啦. 可以想像到仔仔第日有女友, 都係唔會理媽媽了.