有人讚妹妹靚喎

10 Aug 11 呢個sophie 無買錯, 因為比起床頭既噹噹, 囡囡會比較鐘意渣住呢個sophie, 可能area大, 容易"掌握"掛.

11 Aug 11 爸爸牛一, 妹妹話要同爸爸賀壽, 不過個款似食手指多囉.

Claire: 爸爸, 我祝你年年有今日, 歲歲有今朝, 出年食旦糕預埋我.  

12 Aug 11妹妹而家係床係周圍轉, 你睇, 好多時轉到床頭床尾掉轉哂黎瞓.

Claire: 嘻嘻, 我都唔想.

Claire: 算啦, 我都係食sohpie 好過.  

下午爸爸媽媽落去打藍球, 帶埋妹妹同仔仔, 阿妹睇到眼仔碌碌.

Claire: 點解我見到個大橙色係到彈下彈下既.

13 Aug 11 呢日媽媽揹住妹妹出街做皮紋. 竟然有外人話妹妹好靚. 媽媽第一次聽咋, 當然婆婆都成日讚妹妹好靚女.之但係媽媽覺得父母同公公婆婆永遠都覺自己仔女係靚既, 所以唔當一回事.....呢日竟然有外人讚喎, 唔通妹妹你真係靚女黎? 應該係妹妹皮膚呃得下人, 白白淨淨, 為佢個樣加左唔少分啦.

 Claire: 咁我呢個pose夠唔夠靚女feel吖?

呢日媽媽發現囡囡識捉實自己腳趾了. 特別係換片個時, 會捉實唔放, 好叻呀. 方便媽媽換片定了.

14 Aug 11 著到淑女咁, 可惜套衫對細細粒既妹妹黎講, 依然係oversize.....套衫係三個月架陰公.