百厭妹妹

5 Aug 11 妹妹最近好似孔雀開籠咁， 一日到黑係咁自己叫。仲要叫到把口係唔會郁但又好長氣架喎， 真係勁， 第時去唱歌都得啦。夠哂中氣。

Claire: 唔叫下邊得過到日晨喎， 我又玩唔到玩具既。

除左叫， 妹妹仲好鐘意笑， 呢日終於錄低左妹妹笑到咭咭聲既片啦。估唔到咁三個月既BB都會笑到咭咭聲， 可惜呢條片係四個月大至拍到。因為之前一比佢望到鏡頭， 就會定左形

呢日媽媽又出街， 夜晚返黎見到妹妹好嗲咁伏係婆婆到， 其實係攰囉。無幾耐妹妹就瞓左了

 Claire: 返黎喇？ 我好眼瞓呀。

6 Aug 11 妹妹開始百厭， 一副玩降落傘既姿態。 

 Claire: 我安全著陸呀， 你唔好咁担心啦。

7 Aug 11 呢朝又係晨咁早起身，刷牙前明明望過阿囡一眼， 刷完牙再望， 嘩， 嚇死阿媽呀囡囡。好在冚住上身， 仲有突出黎既手仔YOUNG YOUNG下， 媽媽至知囡囡仲未死得。唉。以後真係唔敢再放被係床了。

 Claire: sorry 呀媽媽， 我自己都驚架， 但唔夠力拎返起張被。

夏日炎炎， 太陽好猛， 要帶副超至好出街， 尤其妹妹瞓係車仔， 眼仔望天， 真係刺眼到不得了。

返到屋企又變身百厭女。你睇個副眼神同樣真係男仔頭到不得了。

 Claire: 我其實FING對腳出去想側身咋， 不過張床唔夠濶咋嘛， 咪CLICK住左囉。

試左幾日拎牙膠， 妹妹終於肯咬兩分鐘咁大把， 真係比足面