食到碗半至兩碗了

29 Oct 11 Claire: 媽媽， 我仲未識爬前呀 Isaac: 唔緊要啦， 我捉住你爬啦

30 Oct 11  呢日忽然比妹妹扶住床邊企， 睇下佢自己腳仔同手仔夠唔夠力支撐自己。
 咦， 好似得喎～～～

 Claire: 嘻嘻， 唔好影到爸爸對手扶緊我呀～～

呢日媽媽煲粥仔比妹妹食， 唔知係好味吖， 定無工人咁杰撻撻， 兩餐媽媽都餵到兩碗。

31 Oct 11 呢日妹妹寧舍扭計， 下午開始爆喊不停， 唔知發生乜事， 唉。

Claire: 其實我係喊住嗲你咋嘛


Claire: 咦， 做乜影我相呀

呢日媽媽叫工人煮多少少粥， 因為妹好似食到兩碗， 點知工人唔信， 激死， 仲係話佢食一碗飽。卒之夜晚個餐真係食到一碗半。希望妹妹繼續努力。食多 D 長多 D 肉， 雖然你瞓得少（唔知長唔長到肉）

錦田旅行

29 Oct 11 呢日約左 Isaac 同學仔私下去旅行， 當中仲要有一個係佢地老師黎架， 不過老師話千萬唔好影佢相， 所以連佢小朋友都唔會上鏡的。我地好晏至去， 先係商場食個LUNCH先， 食飯時， Isaac 已經話好眼瞓， 之但係佢又話要去玩唔返屋企瞓喎。

係商場， 忽然 Serine 拖住仔仔隻手， 十分眼瞓既 Isaac 都唔知乜事。
 Serine： 我終於拖到 Isaac 手仔啦～～～

之但係向各媽媽鼓勵之下， 阿仔肯主動HUG 返 Serine， 真係好搞笑。
 Isaac: 媽咪， 係咪咁呀？

呢次私下旅行地點係錦田俱樂部， 去到， 至知原來好多K1同學仔已經係個度玩緊了。真係十足學校旅行咁熱鬧。

老師同大家玩彩虹球， 不過仔仔係的士恰左一陣咁大把， 呢個環節仲未瞓醒咁款。呆呆地。

 玩玩下彩虹球， 未瞓醒既 Isaac 自動離場話唔玩， 拉左媽咪去玩跳彈床。

廿蚊十分鐘， 不過呢日唔多人， 所以阿嬸都無計時， 只係玩玩下時， Isaac 同學仔走埋黎一齊玩， 阿嬸就當我地夠鐘， 要離場。不過十分鐘意跳既仔仔唔肯走， 媽媽唯有比多廿蚊等仔仔同學仔一齊跳餐飽～～

一個人跳都可以跳到笑哂口。証明仔仔好鐘意跳。

除左跳， 就係特登跌落地， 唔知係咪咁樣會特別好玩既呢？

Isaac: 哈哈‵～～跌落去好刺激架媽媽

幾個同學一齊上黎一齊跳， 阿仔帶頭大叫～～～有飛機呀

跟住就係各有各跳， 各有各跌。


跳完一輪， 集齊係草地準備出發去畫畫。你睇， 一排女仔， 但 Isaac 掛住飲野眼尾都唔望下人既。

Serine: Isaac， 你比隻手黎啦

Serine: 點解拖住 Isaac 個位唔係我既～～～

 Isaac: 我好忙呀， 等我飲完野先講啦。

飲完野， 兩個又忽然拖起手自已行， 旁若無人。忘記左有阿媽係度。

跟住媽咪追前想影相啦， 忽然兩個又唔知做乜整個五出黎喎。

Serine: 你仲想整乜呀？

Isaac: 我地行快D， 唔好比人影到

畫完畫， 同學又去跳彈床， 不過仔仔已經連跳左兩次， 媽媽唔想再跳第三次， 怕佢未返屋企就要揹住， 攰死媽咪咩， 所以咪搞。等同學仔時， 無無聊聊好在仔仔曉得同草地既大哥哥玩下追逐

等到悶， 又同另一個同學仔去騎車仔。呢 D 好內地FEEL既車仔， 好搞笑， 原來好似騎馬咁桔下桔下， 架車會自己行。媽媽仲以為係單車黎既TIM。

因為好晏了， 所以呢個車場無人， 任阿仔換車仔。睇下 Isaac 笑到有牙無眼就知幾咁HAPPY。

乜野叫隔離飯香， 就係咁。

 Isaac: 我玩緊架， 你玩隔離個隻啦 

雖然玩左三個鐘， 不過都夠囉， 因為草地咁大， 加埋兩個大跳床， 足夠比 Isaac 放電。呢次旅行收穫係呢兩樣野， 都係媽媽同 Isaac  做的， 都係媽媽同仔仔第一次做既勞作， 因為媽媽都未試過玩呢D。但去到仔仔又想玩， 見佢未玩過， 就玩下啦。

呢晚瞓覺， 阿仔都笑住口咁話好開心。見到仔仔咁開心， 媽媽都想繼續全職， 咁就可以有多D呢種親子活動了。

成功坐痰罐

27 Oct 11 呢日妹妹同哥哥玩， 睇佢玩得幾開心。仲開心過同媽媽玩。

 唔止妹妹開心， 連哥哥都笑哂口。一齊瞓係地墊到做體操。

28 Oct 11 呢日係哥哥學校假期， 唔駛返學。未出去同同學仔玩時， 就係屋企做好哥哥， 教妹妹玩玩具。

Isaac: 妹妹， 咁按架              Claire: 哦


 Claire: 哥哥， 你再試多次我睇吖

趁哥哥唔為意， 一個人陶醉自己玩時， 媽媽就抱妹妹入房， 比佢另一個大空間去刺激下佢爬。
 Claire: 嘩， 呢度仲大過地墊喎。

仲未識向前爬既妹妹， 滾地同爬圈就最快。速度真係快到成日要捉返佢入地墊。所以媽媽叫左爸爸WKEND 拎返袋地墊出黎， 下週一會加大妹妹個勢力範圍。

Claire: 我唏～～～咦， 好似碌唔到上去既， 無理由架。

Claire: 咁我碌另一邊啦

呢日， 媽媽發現妹妹識向後爬， 雖然速度好慢。不過亦都係一種跡象好快會向前爬架啦。其實都唔知關唔關媽媽呢兩日同佢特訓有關， 無計， 七個月仲未識爬， 聽人講話可能大個左會影響手眼協調等等能力。所以而家一有時間， 都會捉住妹妹對腳， 協助佢同比意識佢究竟爬係點既感覺。等妹妹FEEL 下。

呢日係第二日坐痰罐。媽媽成功左， 係裡邊屙左POO POO， 不過媽媽掛住捉實YOUNG既能力十足既妹妹， 唔記得影低就比工人沖左去了。

 呢個LOOK真係好似爸爸細個既時候呀。～～～同場加插媽媽對又老又粗既手。唉， 歲月催人殘。

最近分享

好耐無update Isaac 日誌啦. 因為全職媽媽話忙唔忙但其實又唔算得閒. 難得夜晚兩個瞓哂時, 自己都想做下自己野抖下氣. 日頭又好少可兩個一齊瞓晏覺. 其中一個唔瞓又要陪佢地玩, 因為免得仔仔呷醋, 所以仔仔唔瞓時, 媽媽都唔會同妹妹玩, 只會鼓勵兩兄妹玩而媽媽做監視, 免得Isaac一手拗斷妹妹手腳或一腳踩落妹妹度(真係試過一腳踩落去, 激死媽媽~~叫佢唔好踩到妹妹, Isaac 徧要即刻一腳踩落去試下)所以媽媽唯一可以同妹妹玩既時間, 就係仔仔瞓晏覺時, 所以時間真係好可貴.

呢日重陽, 仔仔慣左早起身, 免得嘈住爸爸瞓覺, 所以晨咁早, 媽媽拖埋工人同妹妹, 帶仔仔去新公園玩.
Isaac: 媽媽, 呢度咁多船船既?


阿仔無時無刻都鐘意引體上升呢種玩意.

而家去公園, 媽媽都會有備而戰: 就係吹泡泡. Isaac最鐘意.


Isaac: 咦, 點解d泡泡會飛哂去後邊架

因為我地太早黎呢個公園, 所以得兩個小朋友. 變相無人陪 Isaac玩拍吹泡泡, 唯有自己吹完再拍啦.


因為得一個人玩, 媽媽就教佢企上去射波波, D 波波會飛得高D 架.

無小朋友一齊玩泡泡, 無幾耐, 索性唔玩. 爬左上去再裝返落黎叫媽媽.

Isaac: 媽媽, 呢個船船公園有個鈴鈴既....

媽媽見側邊有個類似網既物體, 就叫仔仔試下行. 點知視覺既錯覺, 仔仔真係會驚架喎, 好搞笑.

唔通呢個就係呢個遊戲既目的?

好小心奕奕架行得.

玩完公園, 行返屋企例行公事係向隔離個屋苑睇水. 但媽咪只可以遠觀~~~~要學大人咁, 一個人行上去睇.

十月, 仔仔除左學音樂外, 仲學埋畫班. 呢幅係仔仔第一堂既傑作. 媽媽覺得真係好靚呀, 好似貼堂個D作品咁.

呢幅係之後再去船公園既相, 媽媽POST出黎因為仔仔擺哂射槍既POSE, 好搞笑. 玩支泡泡槍都要咁擺POSE. Isaac話係爸爸教架喎.

Isaac: hello媽媽, 唔好影我相啦.

 著得咁斯文, 梗係去幼稚園 interview啦. 可惜仲未知結果.

仔仔睡姿. 其實係想post下Isaac好可愛~~~~貼到自己成身都係貼紙. 呢個動作, 而家成日做, 就係問媽媽: 你今日乖唔乖呀~~~然後奬媽媽一個貼紙.跟住再自己一個貼紙.

呢條片係錄低,仔仔上完音樂班學到既高音同低音, 吖, 佢又真係唱到高低音既分別喎. 厲害厲害, 真係唔可以睇少兩歲細路既吸收能力.

話咁快兩歲半了. 回顧過去半年, 仔仔變化真係好大, 媽媽都好感慨, 原來一個小朋友可以進步得咁快. 相信仔仔都好快讀小學lu.

 

仔仔新活動

Isaac 話咁快就返左學就黎三個月了. 最明顯既轉變, 就係病足三個月, 呢份係學校送既大禮, 真係多謝哂. 為左防止仔仔keep住咁咳, 過去兩週媽媽堅持比仔仔帶口罩返學, 好明顯見到, 仔仔無再流鼻水同咳了. 証明學校真係傳播病菌既好地方. 好在 Isaac 鐘意帶口罩, 由朝到晚都話要帶, 順理成章媽媽索性把呢個新喜好搬去學校到.

全職既媽媽, 無湊 Isaac返學, 因為爸爸返工順便帶埋返去. 所以返學少左同其它家長聯誼, 無計啦, 媽媽仲要照顧年幼既妹妹, 無咁多時間日日早餐聚會嘛. 不過, 因為媽媽全職關係, 所以放學後, 不經不覺都幫仔仔揾到個固定活動, 就係周五放學齊齊食飯再去玩.

試過一次放學同同學仔食飯後, Isaac之後日日放學都嘈住要同邊個邊個食飯, 當然都係失望居多, 因為其它媽媽都只係想周五食飯, 因為玩得攰, 翌日都係放假嘛.

 第一次飯後活動, 就係去遊樂場. 開心到Isaac 呢~~~~媽媽見到阿仔咁開心, 都替佢開心.

Isaac: 媽媽話唔可以咁fing架.

為左小朋友有新鮮感, 每次我地都會諗唔同地方去. 一次生兩次熟, 呢次Isaac開始鐘意同洛洛玩, 洛洛大仔仔四日咁多咋. 真係q.

呢張相係去玩具圖書館影既, Isaac拎隻企鵝當妹妹, 話同佢沖涼喎, 本書係毛巾黎架.

除左公園, 都試過去下會所, 吹下波波. 次次Isaac都玩到好開心, 因為仔仔已經開始鐘意同人玩, 平時一個人落公園個個都唔識, 無人啋自己. 難得放學可以同同學仔一齊去玩, 難怪心情特別開心. 所以媽媽都好想將飯局加到一週兩次. 不過而家個時勢, 好似個個同學放學都趕住返屋企温書, 唔係咁想飯局玩樂. 唯有keep住仲係一週一次, 或者等下長假期, 同學仔唔駛温書時, 可以多d私底下出黎玩啦.

 Isaac: 等我幫你啦, 好無呀