守得雲開

20 Oct 11 經過兩週既坐特訓, 呢日囡囡終於坐到好直. 原來坐直真係要比佢多點學習坐至得架喎, 呢個第二任媽媽真係唔知. 睇黎真係唔係好岩湊細路, 係湊過囡囡至知咁多野.


阿囡坐直仲不特止, 仲要伸哂兩隻手仔出去玩野至滿足.

Claire: 媽咪, 我叻唔叻呀?

Claire: 不過做人要謙虛D好, 開心都唔好咁揚, 等我擰歪面笑先~~~

21 Oct 11 百厭星又對準梳化黎研究. 明明有個健力架係後邊佢唔玩, 徧係要爬去玩梳化.

Claire: 哥哥, 你係度玩乜呀?     Isaac: 我係度玩緊同學仔送比我既貼紙囉.

Claire: 乜野叫貼紙呀?

22 Oct 11 趴係床睇電視.

呢日係第二晚, 阿囡六點幾個餐都可以食到一碗bb細碗既杰撻撻粥仔了. 為左避免又飽到嘔, 呢餐之後, 媽媽唔等到九點幾都唔會再餵人奶. 妹妹肯食到兩餐粥仔, 媽媽真開心. 好阿Q咁諗, 可能媽媽唔夠奶, 所以囡囡兩個鐘就肚餓, 肯食得哂成碗粥. 爸爸就話妹妹應已適應固體食物, 所以肯食囉.

點都好啦, 總之肯食到兩餐固體就最HAPPY. 至少摸索到囡囡開餐時間先. 明天充滿希望呀~~~~