算係開始兩餐粥了

12 Oct 11 呢日繼續固體進食, 不過第二餐轉左米糊, 用人奶開. 阿囡都算食左兩安人奶米糊就收工. 算佢啦, 好過無.
 Claire: 媽咪, d 粥好難食呀~~~

13 Oct 11 而家哥哥返左學, 媽媽都會比妹妹出廳玩, 無計, 阿哥病足兩個月, 妹妹就悶足兩個月, 所以唯有趁哥哥唔係度, 妹妹至可以玩下咋.

除左玩, 媽媽又要聽姑娘講, train下佢坐喎, 叫做坐得直左但依然係中前.

Claire: 我隻腳click實左呀~~~~有無人幫我呀

14 Oct 11 呢朝妹妹朝早自己瞓著左, 唔駛人氹. 不過就好泥hea, 瞓係張被上邊, 仲要壓住紗巾, 媽媽都唔敢郁佢, 因為妹妹一向瞓得差, 仲準時過鬧鐘, 半個鐘會叉足電醒哂....再郁佢恐怕連呢半個鐘都無就醒左. 唯有冚張毛巾被, 坐係睡房等佢醒啦. 因為妹妹其實係瞓左係床尾架...頭仔個邊係會跌落床個位黎.

瞓到招招績績.

15 Oct 11 食左固體後, 便便多左. 呢次抺緊便便時, 妹妹又趁機食腳趾, 果然分秒必爭.

 Claire: 咁唔係有乜做....

Claire: 我繼續食, 媽媽你慢慢抺啦.

六個半月既妹妹, 卒之可以一日兩餐粥了. 雖然第二餐粥既份量係離奇地少...就係一細碗既bb碗仔就算, 有時半碗就算. 不過慢慢黎啦, 因為媽媽仲摸索緊妹妹進食固體既時間表. 因為第一餐12點半, 但到三點左右, 妹妹會喊, 以為肚餓再餵粥啦, 佢又會唔食架喎. 所以媽媽呢兩日試下三點半會餵兩啖人奶, 可惜試過兩日三點半食左人奶後, 到五點半食粥佢又唔餓....跟住仲恰埋覺tim. 真係難搞. 媽媽仲係摸緊妹妹肚餓既時間呀.

六個半月, 媽媽伸長哂頸望緊妹妹兩歲, 咁就可以脫離呢d時間, 都唔知肚餓定唔肚餓. 又唔駛餵咁密既進食時間生涯了.