就黎兩歲半～～～上音樂班

Isaac 就黎兩歲半啦，越黎越反叛， 尤其係食飯個時，真係想掟佢出街。點解？ 以前既Isaac 明明係好聽話好叻仔， 肯自己畢飯食， 自理能力好強。而家呢， 食親飯都話唔食飯， 要瞓覺。唔食菜， 唔食肉， 唔食菇唔食魚～～～數齊哂， 咁仲有乜野可以食呢， 乜都話唔食， 食餐飯要食一個鐘， 做媽媽既呢一個鐘頭真係乜火都黎。好了， 到埋位呢， 就一路玩一路食，同埋要工人餵，  媽媽爸爸家教都好嚴， 一向唔淮一路玩一路食， 亦都唔想屋企多左個港童食殘廢餐。所以一定要自己動手食。唉， 媽媽連埋放產假加埋全職， 都係屋企監視左近五個月。不過依然係還原唔到以前自己食飯既 Isaac 返黎。反而每次食飯都要勞氣到要開門， 出去罰企呢招， 阿仔至肯慢慢慢慢咁逐啖自己筆黎食。媽媽睇見真係眼火爆。不過媽媽會繼續堅持架， 因為媽媽知道阿仔返學食茶點其實都係自己食， 仲食得好快TIM， 但係匤企， 就下下要工人餵。梗係以前媽媽返工無人睇住， 屋企長期慣性有工人主動餵到埋口， 養成食殘廢餐既港童出現。所以而家每次開飯， 媽媽第一個望的， 唔係 Isaac, 而係望工人有無好心急想快D 收工， 即筆飯埋口～～～～都比媽媽STOP左好多次， 雖然工人每次都咀MIU MIU一臉不服氣， 話阿仔食得好慢食得好污糟所以要餵佢食喎～～～乜道理呢。不過為左唔想阿仔做港童， 媽媽都會堅持仔仔要自己食飯呢個習慣， 希望唔駛再勞氣多五個月至成功就好囉。

撇除食飯呢一下， 其實大致上阿仔都係一個好聽話既小朋友黎（又要撇除埋專做D媽媽爸爸話NO 既行為外）， 好多時仲好可愛TIM。前排校長打黎報告， 話Isaac 好聽話好可愛， 係學校仲好投入好主動幫老師手架～～～媽媽聽到好開心。証明仔仔係學校已經係做回佢係屋企既真本性， 係屋企仔仔都成日幫工人同媽媽手做家務同照顧妹妹架。

好似呢日咁， 有兩個叔叔上黎整窗， 阿仔好聽話好乖咁抱埋RODY坐係媽咪要佢坐既地方～～～抱住RODY係要保護RODY呀， 因為RODY本來係窗邊既位置。


呢日三號風球， 仔仔唔駛返學。媽媽同妹妹去打針時順便去附近玩具圖書館借左套醫生玩具返屋企玩。嘩， 個姨姨一借套玩具出黎， 阿仔已經愛不惜手， 連媽媽都唔比拎， 一於由頭拎到落尾， 一入屋即開黎玩。買玩具都唔見佢咁興𡚒。

Isaac: 我想做醫生好耐架啦～～Rody 你好似有病喎  有相為証， 成日唔食飯， 瘦到扁哂既仔仔。

Isaac: 等我開D葯比你啦。

見到仔仔玩到咁開心， 媽媽都好開心， 証明媽媽呢一個動作無錯， 就係去左玩具圖書館借玩具了。
4 Oct 11  Isaac 終於可以上音樂班了。嘩， 媽媽都應該揾左成三四個月有多， 一直都揾唔到， 揾到了， 又開唔成班， 家下終於有得上了。仲要係一班得兩人， 正呀。最好就係原來同學仔都一樣兩歲半架咋。睇黎之後仔仔會又多一個玩伴。

岩岩開始無耐， 音樂老師拉左個“媒”入去等仔仔WARM UP快D。

拍鈴鈴岩哂仔仔啦， 由佢識講句子開始， 就成日拎住樂器係咁拍係咁唱。呢度可以教埋佢節拍， 等佢以後唱得更開心。

最搞笑係， 原來45分鐘既音樂班都有茶點架喎。呵。唔知係咪第一堂既關係， 等小朋友快D投入下呢。