要特訓喎

5 Oct 11 阿囡食野好難捉摸, 媽媽頭都大埋, 試左兩週固體, 好似仲未揾到有乜野岩妹妹食, 之前明明食既半碗粥, 但翌日又會唔食. 呢日仲衰, 媽媽諗住比工人純熟下餵妹妹啦, 點知妹妹一坐上HIGHCHAIR就爆喊.

Claire: 哇~~~~我要媽媽奶奶呀

好大滴眼淚呀, 好明顯係肚餓但又唔要坐highchar囉.

工人繼續夾硬餵, 點知妹妹越喊越厲害. 媽媽卒之抱返入房食媽媽奶算. 因為書話如果bb唔鐘意就唔好迫食固體, 否則有反效果.

6 Oct 11 呢日去健康院, 個護士長話要多d 同妹妹train下坐同企喎. 唔講都唔知, 雖然媽媽生過bb, 但 Isaac係自動波識爬識坐識企, 唔駛刻意去train. 所以媽媽無意識要咁做架. 多謝妹妹令媽媽意識到, 要湊大一個bb真係唔容易, 好講恒久既耐性. yes, 係湊唔係養, 養就易, 比錢就得, 但湊呢, 真係又唔食奶又唔瞓又唔郁既妹妹, 少d耐性都唔掂.

 Claire: 媽媽, 我都多謝你生我出黎呀. 陀住我你都好辛苦架啦.

爸爸睇左blog, 醒覺係時候兩兄妹半歲同兩歲半日子, 所以呢晚係龍島買左個旦糕返黎切. 不過妹妹無得食, 反正無得食, 所以妹妹瞓左我地至切旦糕. 媽媽食埋妹妹個份, 餵奶時過返比妹妹啦.


7 Oct 11 媽媽聽左護士長講, 再問爸爸, 爸爸話都要train下喎, 只係哥哥發展比較快, 唔駛刻意教坐同企. 所以呢朝媽媽比妹妹坐.....係要無得挨咁坐. 唉, 其實睇住佢條腰咁斜哂, 媽媽都幾憂心會對妹妹腰骨唔好. 不過當媽媽見到妹妹好努力咁坐唔比自己仆前, 媽媽就好佩服妹妹既意志.

 Claire: 我要坐定定...

 Claire: 哎呀~~~我跌啦~~~

 Claire: 哎呀, 點解會中前架.......

 

 Claire: 點解坐係咁難既....

除左坐, 媽媽仲要練下佢腰骨, 所以拎左個fitball比妹妹趴下.

爸爸就比妹妹坐下rody.

 Claire: 爸爸, 我咁坐可唔可愛呀?

 Claire: 豬豬呀豬豬, 知唔知點解d大人要我坐呀, 我今日好唔開心呀  Claire: 其實我性格同哥哥唔同, 我鐘意攤係度睇書.