有返表情了

2 Oct 11 Claire: 嘻嘻， 媽咪， 我呢個樣夠唔夠古惑呀？

Claire: 夠唔夠鬼馬呀？

妹妹呢日識得笑返啦， 嘩， 媽媽不知幾開心， 拿拿聲影低佢笑既樣先。

自從食過牙仔餅後， 呢日再比妹妹食， 自己主動拎仲食到好滋味TIM。爸爸見到話， 妹妹愛上食餅餅。可能係妹妹出世後第一樣愛上既食物囉。

3 Oct 11 呢日試南瓜粥。以為甜甜地， 妹妹會鐘意， 點知食兩啖又收口。唉。

Claire: 我都係慣左食奶奶咪以為妹妹唔食粥代表佢唔肚餓， 其實一埋身呢， 叫到拆天， 即搏命啜。


Claire：你做乜影我做瑜珈呀？

因為哥哥病左成兩個月， 為免傳比妹妹， 搞到妹妹呢埋係房好耐， 真係悶。加上媽媽諗過， 會唔會妹妹仲未識爬前同抗拒食固體， 係因為長年累月呢埋係房既關係呢？ 所以呢日下午， 媽媽開放左一角仔比妹妹出廳玩下。

Claire: 哼～～～而家至放人出黎

4 Oct11 呢日媽媽忽然醒起， 不如帶妹妹落街行個圈， 反正天氣涼左， 唔太熱。本來玩緊自拍， 咁岩有人行過好熱心幫兩母女影相， 吖， 又影得媽媽幾瘦下喎， 好啦， POST上黎留念下。

媽媽留意到妹妹好似仲未好鐘意望水池喎～～～～唔知點解呢

Claire: 嘻嘻， 我鐘意摸SOPHIE多嘛

呢日再開放另一角落比妹妹玩。睇妹妹幾咁忙， 又黎手腳並用。 好明顯妹妹好鐘意出黎玩啦， 玩玩下FEEL到有人抱佢上床， 不論入房既睡床還是BB床仔， 妹妹都會大喊以示抗議的。妹妹， 你快D識爬前， 媽媽咪比大D 既空間你爬爬囉。