半歲生日會 - 最終回

16 Oct 11 呢日同妹妹出去灣仔參加半歲生日會. 係巴士瞓到隻豬咁既妹妹, 平時係屋企唔見佢瞓咁耐, 坐巴士比媽媽攬住就瞓足成個鐘.


瞓飽飽見人, 不過無儀態, 係都要擘大脾坐.

 

甫開始就抽到奬, 一向無抽奬運既媽媽居然中奬~~~細奬咁大把, 都唔知好嬲定好笑

 Claire: 媽咪, 呢兩包糊仔可能岩我食喎.

成個會場, 媽咪最鐘意係米奇公仔, 因為影完相仲有返一張即印既照片比媽咪留念架.

全女班....  Claire: 你唔好喊啦...

呢次生日會, 有三個旦糕咁多, 不過實在人多, 係咁擠上去影相, 都無可能影到一張單人照架啦. 加上係婆婆拎機, 無得要求咁多.

媽咪: 妹妹, 你望下相機先啦...

呢日張banner有妹妹份, 就係大寫 H 隔離個張相仔啦. 特登抱埋妹妹過去影.

 Claire: 發生乜事呀????

臨走又同下未瞓覺既b女影返張先~~~吖, 點解個個媽咪都要痴住囡囡個頭仔既呢

回程, 妹妹又瞓到隻豬咁. 如果妹妹平時係屋企都係咁就好囉.瞓多d至會長肉架嘛.