濕地之後

25 Aug 12 呢日媽媽短週， 一於帶兩兄妹出去玩。諗過度過， 去濕地最方便， 因為太熱， 唔想去沙灘， 但濕地有戶內有冷氣嘆， 仲有兩兄妹最鐘意既遊樂場。所以晨早我地就去到了。

去到咁岩遊樂場已經入左小朋友， 我地係附近行下磨下時間先。阿妹咁好奇， 究竟睇乜呢？

 Claire: 哈哈， 其實我都唔知睇乜架。一齊磨下時間入遊樂場咋嘛。

 嘩， 入到遊樂場， 真係阿媽姓乜都唔記得。睇下妹妹幾咁投入。

玩得悶， 周圍走， 卒之比媽媽的左上去坐木馬仔。幾咁無奈。 Claire: 我好想好似哥哥咁， 上去玩樹樹爺爺呀。

 Claire: 我究竟仲要高多幾多， 至可以同哥哥一齊上去玩呀

玩飽去隔離既大家樂食飯， 咁岩撞到朋友仔。一齊食飯飯， 之後又各有各玩。食飯阿妹最開心， 因為又可以搶大人野食。 Claire: 嘻， 點解會比你識穿架。

26 Aug 12  Claire: 我著起條裙， 夠唔夠淑女呀？

27 Aug 12  嘩， 難得一張刷牙相， 阿妹呢輪唔知係咪出牙， 唔肯刷牙， 一刷就係咁嘈。

 Claire: 咁人地真係牙肉痛吖嘛
28 Aug 12 阿妹最鐘意騷擾哥哥瞓晏覺。見親哥哥瞓覺， 總係要搞下哥哥 Claire: 梗係， 哥哥瞓左， 咪無人陪我玩囉。

29 Aug 12 Claire: 我好掛住爸爸呀， 爸爸幾時返呀？ 

Claire: 喂，你影夠囉喎。

炎炎迪迪尼

10 Aug 12 嘩， 呢日爸爸拎左假， 要帶Isaac 再遊迪迪尼呀， 媽媽都好想去呀， 可惜岩岩過試用期， 唔想咁快請假。唯有放工去JOIN啦。嗚嗚嗚。

先遊新開幕既灰熊山谷先， 嘩， 採左咁多金礦？

Isaac: 係呀， 我叻唔叻呀？

 Isaac: 爸爸， 點解呢個人係綠色既～～～

玩完灰熊山谷， 再去胡迪度先

嘩， 呢幅圖咁似小朋友畫既。果然好襯樂園FEEL。
排隊玩彈弓狗先。每人一支骨頭。

 Isaac: 估下我係邊個？

 Isaac: 好緊張呀～～～～

 Isaac： 嘻嘻， 原來係咁架咋～～～

Isaac: 玩完彈弓狗， 仲叫左爸爸買支雪條我食TIM。睇下， 有米奇耳仔架。

Isaac: 好味道～～～

食飽雪條繼續玩玩玩， 不過都要影相相留念。 Isaac: 我走啦巴仙光年， 妹妹係個邊等緊我呀～～～

嘩， 妹妹黎到玩左一陣， 我地就齊齊走去青衣食晚飯，玩左成日既Isaac, 去到青衣， 依然活力十足。

 Isaac： 我似唔似衫上邊隻米奇呀？

識砌圖形版了

23 Aug 12 Claire:做乜又影我呀？ 等我扮鬼臉先


24 Aug 12 為迎接N 班INTERVIEW，媽媽特定左鐘點同工人一有時間， 就要教妹妹呢個砌版。估唔到， 呢輪妹妹已經曉得啦， 真開心。有進步。

 Claire: 你睇我點砌吖

 Claire: 又砌多塊先

Claire: 我叻唔叻呀媽媽。

咦， 做乜阿妹扒哂係度既～～～

哦， 原來係爸爸出差， 係酒店打FACETIME同兩兄妹講電話呀。嘩， 妹妹見到爸爸， 想撲埋去咁滯。呵呵。

再遊挪亞方舟

20 Aug 12 妹妹越來越餵食, 搞到著呢件衫, 好似好圓潤咁. 鬼咩, 人食佢又要食埋一份, 呢張相咪又係岩岩搶食成功, 口裡邊仲含住野食影架囉.


21 Aug 12 Claire: 我咁咪顯得瘦 d 囉, 凹哂塊面入去.



22 Aug 12 呢日婆婆帶兩兄妹去挪亞方舟, 未出發, 先興奮.  兩兄妹第一次同婆婆去咁遠, 搞到媽媽邊返工, 邊心掛掛.

Claire: 我又學哥哥渣車車先

Claire: 呢次係我第二次黎呢度玩, 熟哂駕步啦

Claire: 但點解我仲未夠高玩呢個既~~~哥哥, 究竟你係度聽乜野呀

玩完, 又出去散步. 做乜兩婆孫都咁既樣~~~

妹妹好幸福, 成個小公主咁, 點解? 因為自佢出娘胎, 都有一個好錫佢好保護佢既哥哥囉.

哥哥最鐘意係拖住妹妹保護佢. 不過大脾氣的妹妹, 唔鐘意比人拖. 呢張係好難得的扼住哥哥手手架咋.

Claire: 哥哥, 我地仲要影幾耐架?? 我想返去玩車車呀 

玩完返屋企, 婆婆問妹妹, 玩得開唔開心, 妹妹點頭答: 開.
跟住婆婆問, 你曳唔曳, 妹妹擰頭.

估唔到妹妹已經曉得答人開心, 同埋知乜野叫開心.

與友同遊迪迪尼

6 July 12 又數返好耐之前既活動了。就係同同學仔去迪迪尼。因為Isaac 已經無返學， 所以早少少入左迪士尼。先黎個TEA 先。未食TEA， 笑得幾咁勉強

 嘩， 好正既TEA SET 呀。岩哂甜食既Isaac 啦。可惜媽媽無得食， 因為媽媽返工揾錢錢。

 Isaac: 我笑得似唔似媽咪呀

 Isaac: 跑快 D 啦， 好多人排緊隊呀

 Isaac: YEAH, 跑左上黎了。

 Isaac: 我鐘意揸車車

 Isaac: 媽咪教我， 要分享， 所以幫我執定幾合提子乾一齊SHARE食。

正當同學仔都坐緊車仔回氣時， Isaac 依然好好氣， 係咁跑～～～所以我地都好耐無帶車仔了。就算帶， 都係諗住比妹妹用黎瞓覺。

 Isaac: 我仲好有精力擺POSE TIM架

因為爸爸趕住返學， 所以六點幾就回程去青衣， 由媽媽接力同佢地食飯。嘩， 回程中的Isaac, 依然好有精神喎。
 Isaac: 估下我係邊個？

Isaac: 嘻嘻，樂樂， 你做乜DUMP低頭既

爸爸話， Isaac 跟同學仔去迪迪尼， 開心過自己屋企人去喎。梗係啦， 有細路一齊跑一齊叫， 嘩， 而家媽媽比Isaac 捉住扯住跑， 媽媽都叫佢停架， 媽媽老了， 無法子一齊跑嘛， 呵呵