痴住媽咪

19 Aug 12 呢日爸爸話去金魚街。行完金魚街， 叫媽媽去新世紀同妹妹換片片等爸爸同哥哥撈完魚魚黎JOIN 我地。嘩， 一入到新世紀， 好似脫氧咁。唔知係咪商場裝修， 搞到冷氣有問題。不過等爸爸都要揾地方架， 時間又唔係晚飯， 唯有同妹妹係大堂影下相HEA陣先。

Claire: 咦， 點解媽媽去左咁遠既～～

Claire: 仲捉你唔到？？！！！

 Claire: 我想趁機坐陣抖下先呀。

 Claire: 媽媽你做乜又走左出去架～～～

 Claire: 你快 D 入返黎啦。

有証據証明阿妹患左痴媽症， 你睇， 比阿媽推左去影相， 一擰轉臉就要去返阿媽到。不過咁就比媽媽影到你個雙下巴， 哈哈。

 跟住點？？ 咪捉住媽媽隻手扯住媽媽行囉， 唔比媽咪又走甩。阿妹你係得。

 Claire: 你唔好趁我揸車車時， 你走左去喎。
咪以為妹妹真係揸車， 其實只係一秒咋， 好快又要彈返出拖實媽咪。唔通怕商場人多， 媽咪會盪失路？