16個月.

1 Aug 12 十六個月大了, 時間話咁快就過去. 想當年仲係蘇蝦時, Claire 日喊夜喊, 間屋無時安寧. 好辛苦至湊到六個月, 媽媽望到頸都長, 諗住食固體可以變得好湊. 點知固體又唔願食, 正一唔鐘意食同瞓的BB. 不過, 越大, 就越來越餵食. 仲要好敏感, 會FEEL到你拎住係一袋食物吖, 定係一袋普通野, 如果第六靈感話比妹妹知, 呢袋係野食, 阿妹雙眼會望實仲會身體力行咁飛埋你身邊攞食. 搬左屋後, 又話者係一歲後, 妹未性情大變, 由得人驚無人搞得掂既喊包, 變左做係人都痴既笑口棗. 最鐘意痴男人, 只要有陌生男人係附近, 連媽媽都不顧, 主動拖住男人手遊街. Claire: 好囉喎, 唔好再講我喇.

2 Aug 12 Claire: 出得街未呀? 我READY 囉喎

3 Aug 12 Claire: 古靈精怪諸多表情就係我.

Claire: 個個睇我跳舞都好開心架. 我自己都玩得好開心.

Claire: 玩完又係時候出街行下

Claire: 咦, 呢條褲好似無袋放鎖匙喎

4 Aug 12 Claire: 我想打電話比媽媽呀

Claire: 同我帶帽, 係咪同我去街街姐?

16個月的妹妹, 忽然間識講好多叠字喎, BALL BALL , 爸爸, 叻叻, 曳曳, 鴨鴨, 汪汪, BEAR BEAR, 媽媽.............唔知到17個月既妹妹, 會唔會曉講不同字既組合呢