又五天記

5 Aug 12 Claire: 媽媽， 出得街街未呀？ 我著好哂襪了。

 話說十五個月左右， 我地發現Claire 識聽我地去街街， 一聽到去街， 仲會曉得要我地幫佢拎襪， 拎左襪仲曉得坐低舉起腳仔要我地幫佢著襪， 著完襪就要我地開鞋櫃比佢拎鞋出街。真係好醒既姐。
6 Aug 12 有鐘點又有工人姐姐兩個服侍， 遇著哥哥瞓左晏覺， 就會有呢個情況：兩個一齊服侍二小姐。連平時曉得自己餵自己食野的妹妹， 都變左要人餵， 真係無眼睇。睇黎媽媽又要向鐘點落ORDER， 不淮餵食了。

 Claire: 我本來係自己食架。。。。。唔知點解佢地要餵我咋嘛。

7 Aug 12  阿妹做乜咁愁呢～～～

唔通係跳舞跳到一臉愁容？

8 Aug 12  Claire: 其實我係愁緊， 我幾時至可以正式食大人飯呀？？？ 
我地而家都比好多大人野食阿妹食， 可能好味， 我地真係睇住妹妹開始漲同埋重左。唔通妹妹天生把口寧舍奄尖？真係好味既野至肯食多D？

9 Aug 12  Claire: 咁都比媽媽識穿左TIM。我而家又要出街買野食， 唔得閒同你地玩住。

10 Aug 12 好難得影到阿妹有雙下巴， 哈哈哈。

呢日爸爸帶哥哥去迪迪玩， 媽媽要返工， 所以一放工， 即接妹妹一齊JOIN。未揾到哥哥時， 妹妹先醫肚， 搞到變左核突臉仔TIM。

 Claire: 影靚D， 唔好影到我含住野食喎～～～

妹妹可能好少出街， 所以坐地鐵時， 初時顯得有點緊張， 不過後黎要學媽媽咁，自己坐一張凳。跟住一入迪士尼， 嘩， 對眼係瞪到呆哂， 可能心諗， 點解咁靚架呢度～～～ 不過妹呀妹， 呢次你唔知第幾次黎了。只不過之前仲係一舊飯， 未夠一歲。而家再踏入迪士尼， 你已經16個月了。所以開始對周圍環境有反應。等媽媽過耐D日子， 再帶你入迪士尼大開眼界啦。