又食 TEA BUFFET

18 Aug 12 呢日， 妹妹陪哥哥一齊出席哥哥朋友仔既自助餐GATHERING。岩哂兩兄妹個範啦， 兩個都咁餵食。兩個去到都好眼瞓， 因為成大半日無瞓晏覺， 差唔多到酒店至恰一恰， 一落車又齊齊醒， 兩兄妹夾都無咁準。雖然瞓未醒咋喎， 妹妹對男人依然好敏感。第一次見呢位叔叔， 就舉哂手行埋去要人抱， 仲好嗲咁伏係叔叔膊頭。人地唔知真係以為係你爸爸呀， 阿妹。

Claire： 咦， 影相喎， 等我扮返有“經持”先。  NATHAN 爸爸： 係囉， 唔可以立亂要陌生男人抱架。


食飽飽， 妹妹要出去同哥哥一齊玩。Claire: 咦～～～～

哦～～原來係見到狗， 呢個紅磡海傍， 好多狗狗， 睇到阿妹目定口呆咁。

 仲走去學哥哥一齊摸狗狗TIM。妹妹見到呢 D 識郁既動物， 寧舍驚訝， 會O哂咀， 係咁望住， 叫汪汪， 或者𣈴𣈴～～～吖， 佢又識分架喎 。媽媽都唔記得幾時開始教你， 咁快就曉得分既。
 Claire: 但係點解佢擘大口對住我既， 佢想咬我咩？？

玩完狗， 差唔多走人， 一齊返入酒店影相。嘩， 原來成班小朋友集埋一齊你迫我我推你， 咁反而WARM UP到喎， 之前係海邊， 反而各有各玩咁。
 Claire: 媽媽， 我同哥哥一齊望住你呀， 叻唔叻呀？

Claire: 哥哥， 坐過黎啦。

Claire: 做乜你越叫越走既～～

Claire: 哥哥唔理我， 我自已坐， 哼

Claire: 我擘大腳， 一個人都可以自得其樂啦。唔駛哥哥陪。