又去海洋公園

11 Aug 12 爸爸牛一， 一早話左呢日要入海洋公園喎， 媽媽梗係要陪太子到底。好在呢日太陽伯伯休息姐， 哈哈哈。
 去到落雨，第一站係兒童區， 不過落雨好唔方便， 不過都係呢個原因， 無乜人排， 所以各遊戲都可以好快玩到了。

海洋公園既午餐實在太貴又唔飽， 無乜BB 小朋友岩食既， 所以媽媽呢次整左蕃薯同粟米， 不過妹妹就唔吼蕃薯， 只係食粟米。媽媽怕佢唔飽， 再整多合提子先。媽媽： 影相先啦， 唔好掛住食。 

學哥哥玩鐵鍊， 好在媽媽叫停左咋， 無幾耐， 有另外小朋友玩呢條， 卒之比工作人員話。
 Claire: 我停左手架啦～～～

好， 上吊車。又係時候趁機餵飽妹妹了。Claire: 你地影啦， 我食粟米先


落左吊車， 哥哥等左好耐既雪糕時間， 可惜無雪糕賣， 唯有食西瓜啦。 Claire: 哥哥， 做乜我無得食架～～

當然， 妹妹都食左好多西瓜～～～汁， 因為阿妹咀DIU， 食左兩啖西瓜， 發覺食汁仲快趣好味。

 Claire: 食飽西瓜梗係要呱呱叫～～～

我地上個月去海洋公園， 只係睇左企鵝。北極館開左都未入過， 呢次點都要排隊入去，

 點知原來得海獅同海象， 唉， 好失望呀。咁去海洋劇場都得啦， 做乜要排長龍入冷氣房睇姐。都係企鵝館好睇D。適逢爸爸生日， 爸爸建議入企鵝餐廳食野睇下企鵝。媽媽都無異議， 難得一次半次， 係咪？ 一家四口同個生日PIZZA。PIZZA都唔差架喎， 咪睇少佢係海洋公園遊客區出產。我地係特別REQUEST坐靠玻璃位， 不過現場所見， 媽媽就覺得企餓餐廳， 坐沙發位好過坐最前排個四張枱， 點解？ 因為各大食客都可以好隨意咁行去前邊影相， 正正擋住最前排個四張枱， 真係坐著個四張枱， 都唔知好嬲定好笑 

爸爸點的旦糕。莫非係自己既生日旦糕？

 餐廳影既企鵝。環境同野食都唔錯， 下次如果唔多人等位， 都可以諗下呢度LUNCH了。不過我地係LATE TEA TIME， 都等左一陣呀， 食完至發覺六點了～～～卒之趕頭趕命咁去睇JELLY FISH後就要落山打道回府～～～

海洋公園， 下次見。