首次校外表演

8 Aug 12 呢日, 係Isaac首次校外表演, 參加左合唱團兩個月就要出去表演, 媽媽期望不大, 只係旨在比個機會佢上台訓練下膽色. 估唔到仔仔無令媽媽失望, 仲feedback話好好玩.
未夠鐘演出, 先係附件商場同美麗的minnie 合照. 一見pink minnie, 情投女色的Isaac就梗係唔會放過. 果真係男仔.  不過仔仔你好似有保護色咁呀~~~你係邊呀....

Isaac: 我想拖minnie呀~~~


Isaac: 拖唔到Minnie, 唯有拖鴨鴨囉.


媽媽: 你係咪想打pluto呀?


話說呢支打狗棒, 其實係棒球棍黎, 係我地食兒童餐送既. 人地拎一大盒玩具比仔仔選時, 阿仔本能反應係: 嘩, 咁大盒既~~~~莫非你以為成盒玩具比你?!!

 未演出時, 係出面同仔仔影相, 無理正經係都要整古做怪.

Isaac: 咁我正經比你影返張囉.

 幾經辛苦, 至肯同肥媽媽影張合照, 係第一次校外表演紀念照黎架. 好珍貴.

夠鐘入後台, 媽媽勸好多次去vv 啦, 仔仔又唔肯. 卒之出事了~~~~

 

幕棚一開, 咦, 點解Isaac手掩住個度架...仲要望哂過黎. 跟住做口形同媽媽講: 急尿呀~~~~


成個定哂形好緊張~~~因為要忍尿.


Isaac: 我真係好急呀~~~~ 身旁的女仔: 咁你快d去啦~~~


唱歌準備開始.  呢個時候, 媽媽好心急, 因為仔仔呢個忍尿動作一出, 佢真係忍左好耐, 就瀨出黎既掩住表現黎. 媽媽好怕佢一唱歌忘左形跳舞時, 跳到當眾瀨出黎, 會留有陰影, 影響佢以後上台既自信心, 所以媽媽諗都無諗, 即標出去同工作人員講, 呢位小朋友要去vv~~~~

唱歌開始了~~~仔仔好投入做足動作呀

可惜好快比工作人員帶走左, 去 v v.....咁就結朿左Isaac第一次既校外表演了. 當然, 爸爸一臉不悅啦. anyway, 媽媽都係怕仔仔一時忍唔住係成個hall的人前瀨尿, 留有陰影姐. 表演機會大把, 但為左睇佢成場演出而令小朋友尷尬, 媽媽就唔想了.

希望仔仔下次演出前, 聽媽媽話, 去左 vv 先啦.