巴斯光年出巡

7 Dec 13 

又係一年一度同Isaac 一齊長大既小朋友出黎影聖誔相。今年Isaac 造型係巴斯光年。未出去影相， 先係商場扮下巴斯光年熱下身先。

嗱嗱嗱， 變身了～～～不過變左乜呢？唔通變左柔軟體操班？？！！

今年海運大廈聖誔佈置主題係迪士尼， 不過無巴斯光年， 得胡迪咋。唔通係咁， Isaac 無哂心機？

Isaac: 胡迪呀， 點解巴斯今年無黎既？？

Isaac: 阿妹呀， 今年有你鐘意既奇妙仙子喎， 開唔開心呀？

Isaac: 算啦， 我都係影返張相算啦。無巴斯就無巴斯啦。

Isaac: 等我開懷大叫扮怪獸。

入返商場， 巴斯又充返電， 開始扮超人了。

睇下， 幾咁精力充沛既巴斯係度跑。

Isaac: 我想跳埋TIM呀～～～

成日跳跳紮， 唔怪得Isaac 標得咁高啦。

與四大天王一聚

7 Dec 13 呢日， 我地約左哥哥BB時代相識既四大天王出黎做每年指定動作 ﹣﹣﹣ 影聖誔相。

今年Claire 識行識走不特止， 仲鐘意同小朋友玩。一甫到， 就追住呢住BATMAN。

今時今日既Claire, 除左成日笑， 仲有係體能進步左好多。跑跑跳跳都快過人。早兩日， 至有位姨姨問媽媽， Claire 體能係咪好過哥哥。咁今日既答案當然唔係啦。明日就唔知了。

Claire: 媽咪， 我夠唔夠正經呀？

媽咪：可惜忽然變怪獸呢！！睇下邊個最惡？？

細細粒， 通常比人恰。好似呢次咁， 兩位大哥哥玩捉人。就捉到Claire 了。難得Claire 仲笑笑口。

 玩到無野好玩， 走左去1688上邊個層， 原來有個小角位可以比小朋友玩。

Claire: 係呀， 媽咪， 快D落黎一齊玩草啦。

 有個傻豬豬， 玩草玩到成頭成身係。不過媽媽通常由得佢地玩， 始終城巿人， 無乜幾可接觸草嘛。

學校繪本教育開放日

30 Nov 13 呢日周六有節目， 就係去哥哥學校參觀繪本故事教育。當然亦都係Claire 以新生身份出席啦。

Claire: 媽媽， 行快D啦。

Claire: 媽咪， 你專心D聽故仔啦。唔好掛住偷影我。

學校分唔同課室有唔同主題， 我地都唔理了。根據以往經驗， 通常係唔夠時間玩哂。所以今次策略係， 邊間少人唔駛等就即入。最後依然係玩唔哂咁多間課室就走。

呢間課室係係地執健康食品圖片， 再係波波池摷返出黎。全個過程， 好似都要媽媽從旁協助。

之後我地去左動物農場， 各小朋友要帶動物帽。未出場既Claire, 仲笑得出。

一出左去， 成個人變哂～～～

玩完哂， 我地去左圖書館之後， 就食飯。呢兩兄妹， 感情好到呢輪成日要孖住坐。影相動作都要一樣。

Claire: 媽咪， 我得左啦～～～～ （明明應該係兩隻手指架嘛～＿～）

好友生日會＠冒險樂園

24 Nov 13 呢日又去同學生日會， 睇黎真係每月一次生日會。好忙呀。乜而家小朋友咁興搞生日會架。連媽媽以前一直打算唔搞， 點知去過兩次生日會既 Isaac, 已經係咁嘈住要開生日會。真令人頭痛。

今次生日會， 又見到好同學進進， 一碰頭就玩埋一齊。

呢個轉轉轉，到呢日為止， Isaac仲係未征服到。仲未揾到秘訣坐上去， 媽媽都幫佢唔到， 因為媽媽未坐過都無機會坐， 唔知點至可以坐到唔跌。

玩唔到轉轉轉， 唯有又落返去波波池諗下點搞。

嘩， 唏， 就係快速SIR落黎。夠哂刺激呀。

咁仲未夠， 不如抱埋成籃波落黎仲好玩。

Isaac: 嘩， 你估下我係邊個？？

Isaac: 媽咪， 我似唔似魚仔比人困住左呀？

睇黎有人真係玩到癲左。

Isaac: 我好似聽到有人講我壞話咁喎。

今次出席好友芊攸生日會， 都係同學仔。人少少， 仲好玩。

平時Isaac 對妹妹照顧有加， 原來同學仔妹妹， Isaac 都好愛錫架。有相為証架。

又去生日會放電（冒險樂園）

24 Nov 13 終於等到哥哥同學生日會， 地點又係冒險樂園。媽媽越來越鐘意呢個場。一黎入場價唔貴， 二黎佢同荃灣麗城花園既黃巴士PLAYHOUSE差不多大。但地點呢度方便我地， 唔駛轉黎轉去搭長途車。

一去到， Claire 已經除鞋入左波波池， 真係唔客氣。

Claire: 媽咪， 點解我同進進個桶波爭咁遠既？？

玩到開餐時間。各小朋友被迫聽話坐定定。

咦， 做乜Claire 食食下， 呆哂咁既？？？？！！！！！

哦， 原來係旦糕出場。

去生日會， 梗係要同壽星女合照先。呢位千攸同學， 係哥哥好朋友黎架。

Claire: 不過我都係鐘意一個人玩波波多D。

Claire: 唔該借借吖， 我想落黎呀。

呢次我地係度玩左成三個鐘。乜電都放哂。最後Claire 係回程車到恰左幾個字咁大把。

盡情放電

23 Nov 13 每次到濕地， Isaac 唔係去觀鳥或者睇彈塗魚， 而係旨在玩佢個遊戲室。每次都係盡情咁放電。

Isaac: 都係呢條滑梯刺激D。

Isaac: 嘩～～～～ 我就跌落地啦～～～

Isaac: 唏， 超人變身。

 變完之後， 就打個筋斗先。

不過打左兩個， Isaac 話個頭好痛喎。梗係啦， 硬土地黎架嘛。傻豬。

WHO AM I？？？

23 Nov 13 呢日本來諗住係去海洋公園。後黎哥哥又話去濕地， 所以， 近近地， 都係去濕地。不過除左哥哥， 究竟爸爸媽媽帶左邊個去濕地？

Claire: 嘩， 魚仔魚仔， 估下我係邊個？

Claire:比個正面你估啦。

究竟係邊個呀？

哦， 原來係Claire. 

Claire: 之唔係我囉。其實我好女仔架， 鐘意同公仔影相。

Claire: 媽咪， 我地推架BB車去玩啦。

其實邊個係BB呢？

身型瘦到可以塞佢入呢個聽筒到。

咪睇Claire 平時斯斯文文， 玩起SIR滑梯， 卻係咁款。唔知邊個教佢， 咁SIR至好玩呢？？！！

玩到濕地關門， 我地出左去出邊塊草地玩， 殊不知有人趴低流血。之後， 放佢落草地， 就大喊。

呢張相， 仲見到Claire 下唇流緊血架。 真係嚇親媽媽爸爸， 幾驚牙仔都撞到甩埋。好在只係咀皮跌穿左少少姐。