我進步左啦

8 Nov 13 一去完旅行返黎翌日， Claire 朝早返左學校開生日會。玩完放學， 即起程出荃灣PLAYHOUSE。繼續玩過。

唔知究竟呢個妹仔攰唔攰既呢？

Claire: 我唔單止唔攰，仲好開心TIM呀

 媽媽自從年頭無做野之後， 斷斷續續咁帶兩兄妹出去PLAYHOUSE玩。真係見證住Claire 既長大。仲記得頭幾次帶Claire 出黎玩， 腳仔細到爬網， 唔單止要人扶， 仲要睇實佢腳仔。但不足一年的呢日， 睇住Claire 長大。真係好安慰。睇住佢由體力不繼， 爬都爬唔到， 到今時今日，可以百分百放手比佢自己爬高爬低， 真係睇到Claire 體力進步左。

好似呢個網咁， 初次黎， 邊敢玩。就算Claire 敢， 我地都唔放心佢自己行， 因為個時佢仲係好BB SIZE （雖然而家仲係好迷你， 不過進步左架啦）

睇住佢雖然跌低左， 但都一個人好努力咁自己起番身。

嘩， 媽媽超感動啦。成功完成哂成個網。真係同以前差好遠。

 而家仲夠高放波入槍。唔肯比媽媽放。媽媽想唔認老都唔得了。

Claire: 等我學哥哥咁， 跳波波彈床先

Claire: 不過加D難度至好玩架喎。

Claire: Hello， 我無曳呀。我無冚住個桶跳彈床架。

 其實Claire 有時都好純。唔似平時咁理性。好似呢次咁， 明明幾個小朋友一齊坐車仔睇紅綠燈。玩玩下， 幾個大過佢既小朋友走左去玩其它， 剩返Claire, Claire 就真係好聽話咁， 幫佢地睇住架車。

之前佢地就係玩緊， 紅燈唔準過馬路。咁其它小朋友走哂。Claire 仲係好純咁坐係度等燈， 仲要手仔幫小朋友睇車。真係好可愛呀。

卒之等到綠燈可以過。但小朋友無再返黎， Claire 就好純咁， 企係身推自己架車， 但另一隻手又推埋人地架車。你話睇見係咪真係好搞笑吖。

睇下架紅色車轉左一半， 就知Claire 推到架車轉唔到彎， 輪盡豬仔。

而家媽媽等緊Claire 足三歲， 咁就可以幫佢報名去跳彈床班。等Claire 跳多D， 長高D。好想快D到四月呀～～