嘉道里農場一遊

17 Nov 13 呢日周日， 我地參加左教會既親子旅行。目的地係嘉道里農場， 其實聽個名， 以為有得餵飼動物既TIM。媽媽一心期待好似台灣之旅咁， 可以比小朋友餵動物架嘛， 結果當然係無啦。不過出乎意料之外， 嘉道里農場好乾淨， 一點異味都無。

Isaac: 喂， 媽咪， 做乜你唔掟架？

未出發， 先興奮。一齊玩掟紙仔。

Claire: 係囉， 我同哥哥都好努力咁掟囉。

坐緊旅遊巴， 已經揾周公， 好在有姐妹借左架BB車比我地， 點知推左一陣， Claire 醒左。一臉不悅咁。

Claire：瞓得咁少， 梗係不滿啦。好在有包維他奶氹返我開心姐。

 究竟呢位小妹妹係乜水呢？點解自己行先都唔怕架？

其實嘉道里農場都幾大， 不過時間關係， 我地好早就完左。係出口等集合走。等既時候， 咁岩有人吹泡泡， 嘩， 岩哂小朋友啦。

Claire: 嘩， 我想擘大口食波波呀！

 講返嘉道里農場， 不得不提呢種豬。好卡通FEEL呀。好似道具咁。其實真架。最重要， 居然無臭豬味。真令人奇怪。不過已經忘記左佢叫乜名。

仲有呢種怕人既羚羊BB仔。香港真係無乜地方可以見到呢兩種罕見動物。除左呢D， 仲有好多動物睇架， 不過媽媽都係鐘意影小朋友多D。所以無乜動物相可以POST。