愉快的一日@六福村

4 Nov 13 呢日晨早， 我地就去六福村主題遊樂園玩， 睇下呢位小導遊幾咁開心就知我地會有一個愉快的旅程啦。

未入場， 睇下兩位主角幾咁期待， 好明顯姿勢已經話你知， 邊個係男仔邊個係女仔啦。

不過呢度機動遊戲唔係樣樣都岩迷你妹妹玩， 好在Claire都叫做玩到一半。其中一樣係好浪漫咁坐船仔。一共坐左兩次， 睇黎好似同媽媽坐開心D喎， 嘻嘻。

 之後， 仲玩左轉轉馬， 同埋彈弓狗咁既機動遊戲， 真係驚死媽媽。幾驚Claire 比呢個彈弓動物FING到嚇傻。

Claire: 媽咪， 我無你咁細膽架， 放心啦。

入到黎， 都係影相同行下多。

Claire: 但我唔鐘意同呢隻青蛙影呀～～～

好快就玩左半日， 臨走， 係出邊既空地又玩一輪， 玩乜？ 咪就係玩樹葉囉。

Claire: 你做乜踢爆我玩樹葉姐

Claire: 不如一齊玩吖～～～

 之後， 我地坐車去飛牛附近的民宿， 去到間房一見到叠叠米， 兩兄妹齊心走去玩打筋斗。

Claire: 媽咪， 呢個跳跳墊好玩過打筋斗呀， 一齊跳吖～～

見到Claire 咁開心， 媽媽都開心。因為呢個開心的童年， 好快就過架啦， 好似哥哥咁， 一讀書就要學野， 真係有點無奈。