首次英文講故事比賽（校內）

22 Nov 13 自從 Isaac 肯上台表演國語朗通比賽， 媽媽一直很想教他英文朗誦。不過屢次被拒。呢次無得拒絕了， 因為係學校為K2同K3班級搞的。

不過賽事真係好長， 好在媽媽個日決定唔返PART TIME， 專心陪Isaac 姐。因為坐左成個幾鐘， 都仲係K3。到K3比賽完， 黎一場簡單唱歌同遊戲。Isaac 依然係一臉木無表情咁。因為佢好叻仔呀， Isaac 呢兩日係咁講， 佢其實好怕羞。不過媽媽就話， 媽媽知佢怕羞， 不過佢好勇敢。

Isaac 英文講故事請按此

因為賽前， Isaac 話唔要道具。雖然道具佔20﹪。不過媽媽自以為， 憑水準取勝啦。殊不知， 原來個個出賽同學， 都有道具架。嗚嗚嗚。有D明明表現無 Isaac 咁好， 但唔知係咪道具超多， 攞足個20﹪， 所以名列前茅。ANYWAY， Isaac 係K2組裡邊， 拎到優異奬。都好好啦， 比 Isaac 一支強心針， 等佢之後肯踏出第一步。

K2，K3參賽者事後一齊為自己打氣， 比個叻叻自己。因為大家都係屋企練左好耐架啦。

跟住返屋企， 見到屋企樓下個飛機總動員開左欄比人影相， Isaac 就影返張先。練左一個月， 係時候要鬆一鬆了。

都係抱住玩具笑住影相既 Isaac 有童真得多。