繼續放電＠荃灣麗城花園PLAYHOUSE

8 Nov 13 去完旅行返黎翌日， 一覺瞓醒， 唔係繼續叉電， 而係跑左出去荃灣麗城花園既PLAYHOUSE玩， 繼續放電去。

如果無記錯， 呢次係第三次黎了。黎到熟哂， 一落車，一對仔女都記得間PLAYHOUSE係邊， 點行入去。

熟到有人唔見左。

熟到有人好快執波上彈床跳。

 大大隻的 Isaac， 好似同呢條滑梯已經顯得格格不入咁。

Isaac：我聽到有人講我喎～～

 明顯大個仔的 Isaac， 好鐘意揾新朋友玩。好似呢日咁， 去到無耐已經識到新朋友仔， 一齊玩，都唔駛阿媽係側邊陪了。

話時話， 呢間荃灣麗城花園既PLAYHOUSE， 真係幾細。之前兩次黎， 都係貪佢有團購， 30元入場費， 平平地去下。但交通好煩， 要轉車。最近媽媽諗到， 不如比錢去冒險樂園全日任玩， 可能計埋車錢仲平返， 又慳返。所以下次再黎麗城， 唔知會等到幾時了。