參觀消防局

9 Nov 13 周六， 屯門消防局開放日， 之前幾年都錯過左無去。Isaac 咁鐘意車車， 一見到消防車就興𡚒。今年梗係唔可以再錯過。點知好多人呀， 多人到驚。

一去到， 咁好彩遇到好朋友， 一齊影返張合照先。

我地晏左去， 一去到就話有步操。已經好多人等緊， 行唔到埋去。唯有舉高鏡頭等。

唔講唔知， 原來消防車舉雲梯前， 車底會有四支腳仔撐住地架喎。有相為証架。又識多樣野。

 呢架好似話係最古老既車。我地今次又大開眼界， 睇下呢條超長臂有幾長先。

又真係幾長架喎。

人多到不得了。我地排到夠哂鐘， 至排到影呢架電單車。不過真係好少見呢架車係路上跑。

臨走， 見到有消防員可以比我地合照。又無乜人(走哂啦嘛）， 所以影返張醒目合照先。

嘩， 呢張特別囉， 造型照。之前我地想排架， 但一早截左人龍唔比再排。當我地離開時， 媽媽哨到好似無人啦喎， 消防員準備收野， 媽媽上前問可唔可以比我地影相呀～～～消防員臉有難色諗左一陣， 卒之比我地好快咁著上身影一影。圓左 Isaac 入場以黎的一個心願。

Isaac: 我手上支汽球可以當水喉喎