2017 校際拉丁比賽

24 Feb 17 話說暑假時，媽媽特意幫 Isaac 轉去學校的拉丁校隊，翼望有一天，Isaac 能以校隊身份出外比賽。估唔到，只不過是半年時間，不知不覺間，Isaac 已被老師欽點參加校際拉丁比賽。知道一刻，媽媽真係好開心，估唔到咁短時間，Isaac 就要代表學校出賽。

今次比賽地點係馬鞍山，有校車送學生連家長去。低年級代表只有呢幾名，大家一齊加油呀！比賽未開始，大家都好緊張咁款。

Isaac: 好驚呀～～～希望可以贏啦～

Isaac 除左參加個人賽外，老師仲要佢地越級挑戰九歲錦標賽，真係令人緊張。

化左粧GEL埋頭既Isaac，媽媽初初真係認唔出呀～～當時個個都話佢好靚仔。哈哈。

喜出望外，Isaac 森巴舞喜獲冠軍。比賽片段按此。

Isaac: 我第一次拎冠軍呀～～～
PARTNER： 我成日都拎架啦。

Isaac 知道森巴舞拎到第一名後，鬼咁開心。都好既，証明幫 Isaac 轉左呢間跳舞學校，係真有用的。

不過，另外三隻舞就無冠軍了。倫巴校際八歲組，榮獲亞軍（比賽片段按此）。牛仔舞也是得亞軍（比賽片段按此）。查查查就得了季軍（比賽片段按此）。

首次參加校際大型比賽而論，轉跳舞老師只是半年時間，能夠跳出如此成績，爸爸媽媽都已經好好好開心了。証明一切努力係值得的。而 Isaac  愛跳舞的熱情，亦越來越強。

看著 Isaac 一臉認真地跳舞，真係特別顯得佢大個仔喔！

第一次去校際比賽，原來頒奬台⋯⋯係無預家長出去影相架，哈哈，爸媽唯有遠距離拍照⋯⋯不過有阻礙物喔！

Isaac: D花假既⋯⋯
PARTNER： 係囉⋯⋯咁搞笑⋯⋯

Isaac: 點解亞軍係花黎既⋯⋯
PARNTER： 係囉⋯⋯不過唔係送比我地架，落台要還～

又係遠距影相的時候⋯⋯難得呢刻無遮無擋。點解頭先冠軍個時，有人擋住架～～～嗚嗚。

呢日等了又等，等了又等，跳完公開賽再跳九歲錦標賽⋯⋯終於，滿載而歸。

除了爸媽開心之外，負責的黃主任，應該都係好開心⋯⋯可以交差嘛。

Isaac: 我得左啦～～～睇我成頸奬牌～～

 等到成六七點⋯⋯我地終於走得了。好疲累的一天喔⋯⋯不過，係開心的，相信 Isaac 之後會更有鬥心去跳舞。盼望來年的校際比賽喔。