Claire 跳舞比賽

26 Feb 17 之前一晚要去飲，搞到好夜返。但呢朝依然要好早起身，因為要送Claire 去跳舞比賽呀。真正忙足三日比賽。不過今次輪到小妹妹Claire，地點又係馬鞍山喎。三日黎足兩次，真係咁岩。

媽媽一早就帶Claire 返跳舞學校SET 頭化粧，好大陣仗咁。忽然變身靚女，Claire 寧舍開心。

媽媽同Claire 跟車黎到安靜左先⋯⋯爸爸就揸車黎，咁岩可以影到Claire 未搽唇膏的白面樣。

Claire: 嘻嘻，爸爸唔好引我笑啦⋯⋯

Claire: 梗係等我搽返唇膏先影⋯⋯我係咪靚女左好多呀？

 究竟隔離同學仔講乜，可以令到Claire 笑得咁燦爛呢？！

不過呢個妹妹，次次都係一上台，就變臉⋯⋯唧都唔笑。COOL到爆。

Claire: 人地驚到笑唔出呀，仲要人笑呀？

呢次出賽既舞步，已經跳左好多次，熟到爆了，看一下Claire 出賽跳緊個時有無笑先（按此）。

Claire:  我好專心咁數拍子，唔得閒笑！

 台上一分鐘，台下十年功。話咁快演出成功。有個人仔，落到台反而HIGH到爆左。

Claire: YEAH～～～比賽完，我地有無奬拎呀？

見出到馬鞍山咁遠，比賽完結後，我地順便約埋表弟仔出黎食TEA。

Claire: 好野，我仲大隻過表弟。

次次見到表弟都嚷著要抱⋯⋯一抱起，成個慈母咁喔。日後長大，Claire 會唔會都係一個好母親呢？！