學校報名的花式跳繩比賽

25 Feb 17 媽媽生日正日，呢日行程緊密，早上帶 Isaac 跳繩比賽，晚上就要去飲。

之前一天係馬鞍山呆等了一天，等比賽結果等出場⋯⋯精神上都好累。瞓醒一早又黎比賽，不過呢日係跳繩比賽，點知黎到有個男同學NO SHOW，搞到佢地無得出場跳男子組大繩。大家都有點失措加失望。

先黎個人跳⋯⋯Isaac 被安排參加二重。真係有難度，仲要比賽玩法係一至六年級混組爭奪三甲奬項。一聽已經輸了一大截，輪男子體能，低年級同高年級都已經有距離，點有得玩呀～～～真係純粹體育精神旨在參與。

估唔到今次評判之一，係 Isaac 跳繩啟蒙老師，負責數算 Isaac 二重跳的次數。比賽片段按此。Isaac 表現真係好好，30秒二重，成績有51次。排第七名。第一名係65下。不過⋯⋯無顯示第一名是否六年級呢！！ANYWAY，媽媽覺得今次 Isaac 表現真係唔錯了。如果呢次比賽係分齡，Isaac 實有奬的。

之後，最後一個項目，係朋友跳。本黎 Isaac 係組內算係最叻的一位，但教練只係安排佢跳二重。咁岩有位男同學 NO SHOW，臨時安排 Isaac 同另一位同學玩朋友跳。媽媽心諗，臨時安排，應該都有排夾。點不知，佢兩個又好夾喎。真係睇唔出（按此）。

最後大合照。同學仔，只得幾位⋯⋯連教練都早走老師又不在場。真係好無鬥心囉。呢個經驗，真係一次都夠，下不違例，實在不太愉快。希望下次的比賽，可以有點意思，咁會值得參加囉。