開心玩樂的兩兄妹

13 Mar 17 呢日Claire 學畫，幅畫畫左兩堂，因為要拎去參加比賽。畫中人物係我地一家準備開飯食，加上一個機械人幫Claire 筆飯⋯⋯自此之後，Claire 係學校畫親畫，都會有一個機械人。

Claire: 我都想有個機械人幫我地做家務呀～～咁媽咪就唔駛咁辛苦囉。

傍晚，哥哥放學返到屋企，見到張瑜珈墊，忽然拎黎同Claire 玩。睇住佢地玩，真係覺得呢兩個小朋友好可愛，乜一塊墊都可以比佢地利用到咁玩法，而佢地又真係玩得好興起（按此）。可惜隨著小學功課繁忙，佢地可以咁天真玩既時間真係越黎越少了。