小妹妹小雜記

6 Mar 17 呢日媽媽早左少少去到幼稚園等接放學。早左到，梗係裝下Claire 玩乜啦。吖，馬騮女係度攀緊架呀，仲好興奮咁同媽媽打招呼TIM。呢張相，係媽媽做手勢話影相，佢企係架上等望鏡頭的，所以呆左少少。

放學回家，又係玩樂既時候。忽然有個人仔話想試下企係度玩千秋⋯⋯嘩，媽媽印象中都未試過咁玩，估唔到Claire 人仔細細，膽子咁大。叻女呀！

Claire: 我young～～好似唔係好FING得郁咁既⋯⋯

玩完公園，係時候又要練下繩。係媽媽鼓勵底下，Claire 肯嘗試呢個胯下一接交叉繩既動作。真係好叻女呀！以K3 黎講，Claire 真係做得好好（按此）。


7 Mar 17 Claire 好懷念以前媽媽拎架單車去接放學的日子，成日嘈住話要拎架單車去接佢放學。但我地而家住既地方，係無單車徑駁去學校既⋯⋯唯有，出動板車啦。嘩，媽媽真係好後悔拎架板車去接放學，拎到一半路途，手腕都痛埋⋯⋯因為媽媽唔係推，而係成架摺埋抽住咁行。不過見到Claire 咁開心，不停踩住架車兜公園，少少痛楚等於激勵啦！

Claire: 咁你都想我開心架嘛，係咪？

 晚上沖完涼，又未到晚飯時間，小妹妹忽然曬冷佢既玩偶出黎陪佢睇書。真係好可愛呀～

Claire: 你地坐好，等我講個故仔比你地聽吖～～