失落於GAPSHK幼稚園邀請賽

31 Mar 17 放學之後，特登帶呢個小妹妹去夾糖果，因為翌日要去比賽呀，為左氹Claire 開金口做足動作，媽媽提前買左袋糖比佢，希望佢生性。

Claire: YEAH～～～媽媽又上左我當，我又有糖食。

1 Apr 17 Claire 牛一，望穿秋水，終於等到佢開生日會既日子，點知學校暗地裡幫佢幫左名參加GAPSHK既幼稚園邀請賽。 搞到媽媽頭都大埋，場地又BOOK左，又約哂同學仔出席，點知突然話要出賽。好在，我地只係一早去考，飛的返屯門都趕得切出席自己既生日會。

呢日既幼稚園邀請賽，由爸爸帶佢出去老年咁遠既將軍澳出席賽事。同行還有同班同學心柔。

未出賽個樣笑到咁開心⋯⋯點知，出賽時，爸爸話佢居然忘記了點背，窒了一窒。唉～～～如果掉轉係媽媽帶去，隔空提水，表現會唔會唔同呢？無法子啦，媽媽又要留守屋企準備生日會的事宜，深怕生日會攪唔掂嘛。唯有⋯⋯唯有安慰自己，反正學校無同Claire 練習，係咁上下啦⋯⋯