孝順女想買蛋糕比媽媽

20 Feb 17 繼學校芭蕾舞比賽完結後，媽媽諗住可以唔駛下午返去再加操，就一償Claire 心願－－繼續玩體操去。點知報左名玩體操，學校又發通告要下午返去加操跳舞，激死。得個忙字。

每次Claire 上堂，都好認真努力咁想做到最好（按此），可惜以佢體力，仲係未能做到哥哥個種倒立。但Claire 一於少理，好努力咁嘗試，媽媽真係好佩服佢既體育精神。

K3 下學期了，Claire 依然係未打到側手翻（按此），但係佢自己覺得自己已經打到側手翻喎，看她的姿勢，真係有待爸爸出手教導⋯⋯可惜爸爸仲未的起心肝教佢打側手翻的技巧。難為這個滿有上進心的小妹妹。

雖然手臂力仍待磨練，Claire 既膽量同跳躍力真係不可少看。睇佢企係墊上，跳去單槓，一D都唔驚，仲可以盪千秋咁玩（按此）。

玩完體操，傍晚接哥哥放學，滿有孝心的Claire 嚷著用零用錢買蛋糕比媽媽做生日禮物。媽媽企係後面，聽住兩兄妹對話，真係好笑。話說Claire 由巿中心一路行返屋企一路望商場的西餅櫃，幾乎佢想買的，都係好靚好靚的CAKE。當然價錢都好貴⋯⋯媽媽就話不如去屋企樓下睇，因為樓下平吖嘛⋯⋯佢就等哥哥放學一齊去睇。

Claire: 哥哥，不如我地買呢個吖⋯⋯好靚呀！
Isaac: 呢個二百幾蚊喎，好貴呀⋯⋯不如買三十蚊呢D啦。

 媽媽聽到，心諗⋯⋯乜Isaac 你幾時變得咁姑寒～～

22 Feb 17  這天，爸爸在SOGO 促銷攤位買了包沖繩的黑糖糕粉返屋企⋯⋯十年難得一遇，居然爸爸肯出馬煮野食，漏夜親自蒸比我地做早餐食。好甜呀～～～連咀勺的Claire 都嚷著要再吃⋯⋯

23 Feb 17 因為呢年生日正日要去喜宴，所以，呢日晚上，爸爸買了個綠茶CAKE返黎幫媽媽慶生。好靚呀～～～連Claire 都話靚⋯⋯不過Claire 依然不心息，吃了這個CAKE後，翌日仲記得未買CAKE比媽媽過生日呀⋯⋯於是經開CAKE SHOP又舊話重提，不停講話要買CAKE比媽媽⋯這個小女孩的心意，媽媽都心領了。多謝。

就是這樣，媽媽又渡過了一年青春了。為了兩兄妹，奉獻左接近六年時間全職照顧他們。黎緊，仲要繼續勞氣勞心照顧兩兄妹，希望他們長大後，會明白啦！