濟州之旅DAY 2 －－濟州金寧迷路公園。鹿山路－油菜花廣場。

10 Apr 17 一瞓醒又出街，係酒店出面條三星街有個咁大既心形⋯⋯應該係我愛濟州咁既意思掛⋯⋯兩兄妹每次路經都衝上去，真搞笑。 

呢日行程係去濟州金寧迷路公園。未去之前⋯⋯以為好大囉。

小朋友見到呢個千秋，乘機又玩下。

好疏乎的小妹妹喔。

嘩⋯⋯睇裝朿，就知好凍啦⋯⋯三代同堂包到實一實。

黎揾路之餘，順便蓋下印。

這個迷路公園的草牆有咁高⋯⋯入左去，真係靠睇天空揾路？？

入面遊人不多，還遇到香港人自由行TIM。

話咁快，我地已經上左去終點打鐘⋯⋯全靠爸爸帶路。

好温馨的一張父女照。

其實係金寧迷路公園，我地一個鐘唔駛就走得⋯⋯完全係好多時間剩囉。最慘係走既時候先開始下雨。不過無損我地去探尋油菜花既堅持。好在我地係自駕，因為上網睇，沿途油菜花加櫻花既路，堪稱濟州最美麗既道路，油菜花綿延公路長約8.5至10KM⋯⋯係無正確的車站或地標，只係靠估⋯⋯因為佢係介乎小馬博物館同油菜花廣場之間。

於是，媽媽出發前做足功課，揾哂油菜花廣場既GPS同小馬博物館／靜石航空館既GPS，當天，係靠著車內的GPS同埋地圖，搏一下直去⋯⋯估唔到，真係一條漫長既油菜花之路喔～

下雨搞到泥濘地好難行，加上油菜花有陣陣便便味⋯⋯都真係幾難頂。

Claire: 好臭呀～～我上得車未呀？

婆婆： 等我拖住你啦⋯⋯
Claire：好野，你陪我一齊聞⋯⋯

未去過睇油菜花，真係唔知原來咁臭⋯⋯

被油菜花同櫻花包圍的兩兄妹。香港好少有呢個環境喔。可惜下雨又凍，花又臭，真係好想上車。

最後，我地都係上車，往油菜花廣場去⋯⋯嘩⋯⋯呢度仲正，風車配埋人咁高既油菜花，真係好天影相，效果係一流呀！可惜天公不造美，我地捱雨淋冒風吹都要勉強影一影。

睇完油菜花，我地係附近求其入左一間都幾多韓國人幫襯既燒肉店。手指劃腳下，點左呢堆燒肉。

燒肉最岩呢兩位男士。差不多包辦哂呢五塊厚切。

還有阿豬媽幫手燒。

媽媽反而欣賞呢碗湯喔⋯⋯好特別的味道。不過妹妹反而唔鐘意飲。

飯後，本黎係打算去濟州香草花園睇夜燈⋯⋯好明顯啦。食完LUNCH點睇夜燈吖⋯⋯成日行程唔知做乜⋯⋯因為以為金寧迷路公園會玩好耐嘛，點知一陣就閃得。所以，爸爸話揸左架車去香草花園先⋯⋯卒之，去到香草花園，雨越下越大。我地就泊左架車係附近停低齊齊瞓車廂。瞓到五點幾都仲係咁大雨，索性打道回府，咁又一天了。真搞笑。

返到舊濟州，我地係酒店附近又揾左間燒肉店食。真係一日兩餐都係燒肉，想唔喉嚨痛都幾難。

Isaac: 但我唔怕喉嚨痛喎。
Claire: 我都唔怕，我好鐘意食呢D肉架⋯⋯

每餐食燒肉，總會有個阿豬媽幫手，唔駛自己煩，真好。

濟州之旅第二天，就咁就過左了。有點不滿意呢日既行程計劃呢～～下次會再諗得好一點。