濟州之旅DAY 3 （下）－－ AQUA PLANET

11 Apr 17 行完涉地岬，我地就順道去埋附近既AQUA PLANET。呢三代同堂照，點解Claire 特別豪邁咁既呢～～

AQUA PLANET豪稱全亞洲最大既海洋水族館。不過，我地好失望呀⋯⋯其實個零鐘已經行哂囉⋯⋯最慘係，之前出發查好哂表演時間，但表演場地係主樓外面，好啦，行行下趕住去睇表演，睇完一場諗住返入水族館再行⋯⋯原來唔可以出左去（睇表演當出左主樓）入返水族館主樓架。真係好無助囉，我地又唔識韓文，仲要係我地只係好快咁行左一陣就出去睇表演⋯⋯好在，守衛見我地咁慘，召我地折返番去，比我地入返水族館再看。仲講明下次唔可以咁做（媽媽估佢意思係咁啦）。

這個場景，令我諗起沖繩既水族館。濟州呢個真係無得比呀！都唔明點會係全亞洲最大。

幸好，AQUA PLANET 既CANTEEN望出去既風景相當唔錯。算係呢度唯一賣點（但唔值得為呢樣而黎）。

我地就係戶內食野，因為出面實在太大風了。幾靚景都唔可以邊食邊享受。

食完野見時間尚早，就去睇下工作人員餵海獅。其實都無乜特別。

最慘係呢兩隻巨型動物（都唔知叫乜名堂），佢地慘，在於被困在一間狹小既水池中，又飛唔到又游唔到。真係比人影相而已。

咦～～～有個小朋友潛左落水底呀，好大膽喎。

Claire: 我咪仲大膽～～

 最後，我地都係冒著大風，出去影返張城山日出峰留念照。睇Claire 的頭髮，就知風勢幾凌厲。

我地原本都係打算行完AQUA PLANET，就順道行埋隔離既海洋科學館。點知呢個科學館超細之餘仲要全部韓文，我地好快就行完了。都幾無癮。

揸返車出舊濟州之際，公路上，有個小妹妹話要去洗手間，情急之下，媽媽醒起路過有間叫TOY MARKET既獨立BUILDING，斷估實有洗手間。果然⋯⋯舒服哂之後，有人順道玩下囉。

Claire: 我成日無玩過啦。

媽媽： 哥哥，你好明顯唔岩坐囉喎。
Isaac: 岩呀，我個頭可以係上邊架嘛。

好似玩呢度仲開心過頭先水族館咁既！

晚上，我地留係舊濟州食黑毛豬。因為之前路過見呢間玻璃店既黑毛豬貼哂雜誌介紹，好似好多韓星推介。所以，我地就入左黎。呢間好特別，係用豬油膏抺左燒盤比我地先既。

香噴噴的五花腩。

看著豬油滴到下面去，原來燒豬會燒出咁多油架⋯⋯

係七星街個邊，日日都路過一間樓上甜品店既BANNER。呢日有時間，卒之都係去試下。上到去，無人既～～～～

明明吃飽了燒肉，爸爸還點了這麼多⋯⋯

最後，好多都係放到爸爸肚裡去。兩兄妹只係幫襯呢個綠茶雪糕刨冰。好唔好食？之後涐地都無人提過要再上去幫襯了，咁就知我們對佢既評價了。