濟州之旅 DAY 4 （下）－－城山日出峰。秘苑人蔘雞

12 Apr 17 離開了牛島，我地落船之後的另一景點，就係城山日出峰。

我地無法子睇到城山日出峰既峰頂，唯有靠呢張大海報。原來火山口已長滿植物。

又係上山時候，今日真係好健康呀，行左咁多山。

因為開始日落關係，我地呢次行得無係牛島峰咁熱咁辛苦，反而仲覺得好鬼大風好寒TIM。

Claire: 大風到遮住我隻眼TIM。

正如網上所寫，遊濟州，一頂冷帽不可缺，任何時候都可以避免吹到變癲婆。

城山日出峰望向的另一面。

太陽下山了。

遠望的牛島⋯⋯咦，乜頭先行到死死下的牛島峰，原來咁矮架咋⋯⋯

城山日出峰下山時，山腳佈滿小植物。

除左小植物，還有強力噴氣槍比遊客沖車軚之用。唔知係咪濟州太多泥石的關係呢！

Claire: 咪郁⋯⋯再郁我射你架！

Claire: 嘻嘻，佢真係驚喎⋯⋯

Claire: 我嚇下佢咋嘛⋯⋯嘻嘻

 就係咁，我地趁太陽落山前離開城山日出峰，出發去秘苑食人蔘雞。話說秘苑係濟州都幾出名下⋯⋯但我地去到，居然揾唔到入口，仲要迷路，原來車路入去既入口係漆黑無比加唔起眼，我地係外圍兜到想放棄之際，先揾到個唔似入口既入口。上到秘苑，人唔多。

Claire： 我要開汽水飲呀～～

Claire： 咦，點開架⋯⋯

 秘苑的人蔘雞真係好正，以前跟旅行團食既無得比，明洞既遊客食店更加唔好講。

看圖點菜，點了個菜⋯⋯我地幾乎食到成身熱，因為呢餐全部都係熱騰騰端上的。

飯後返酒店，咁岩酒店隔離有FAIR，兩個小朋友望左幾晚都無得玩，見今晚尚早，就比佢地玩下。呢個場靜到無人有，如果係香港，真係執左九世。我地係包場開機黎玩的。真係人工費都蝕哂呀！

兩兄妹玩小童版海盗船。不知幾咁興奮。

咁又一日了。哥哥事後投訴濟州唔好玩，最好玩就係呢個FAIR，因為日日唔係去睇花就係去行山⋯⋯咁今日又真係辛苦左少少既，嘻嘻。行完牛島峰又走去行城山日出峰，之後會好D架啦，因為乜山都行哂啦嘛。